न्यत तुलाधरयात उदाय फुटसल कप

येँ- स्थापित खलःया स्थापित ल्याय्म्ह पुचःया ग्वसालय् जूगु प्यक्वःगु उदाय फुटसल कपया उपाधी न्यत तुलाधर समितिं त्याकूगु दु । उपाधीया निंतिं जूगु फाइनलय् न्यत तुलाधरं स्थापित खलःयात बुकूगु खः । थुकथं हे कसाः तःधं गुथिया टिमया बुकाः तबः समाज लियांलिउ लाःगु दु ।

स्थापित खलःया नायः सुवर्णकाजी स्थापितया सभापतित्वय् जूगु ज्याझ्वलय् येँ महानगरपालिकाया प्रमुख विद्यासुन्दर शाक्यं कासाय् विजयी जुयादीपिंत शिल्ड, प्रमाणपत्र व पदक लःल्हानादीगु खः ।

ज्याझ्वलय् कासा संचालनय् ग्वाहालि यानादीपं रेफ्रि, चिकित्सक टोली व थीथीकथं ग्वाहालि यानादीपिंत नं सुभाय् पौ लःल्हाःगु खः । खलःया न्वकु नन्दमान स्थापितं लसकुस यानादीगु ज्याझ्वलय् सल्लाहकार डा. पे्रमरत्न स्थापित, उदाय समाजया मूछ्याञ्जे राजुकुमार कसां नुगःखँ तयादीगु ज्याझ्वलय् समाजया थीथी कवःया नायःपिनिगु नं उपस्थिति दुगु खः ।

कासाय् ग्वसाः खलः स्थापित खलःया निगू टिमलिसें असं तुलाधर, न्यत तुलाधर, कसाः तःधं गुथि, ताम्राकार (तबः)समाजया टिमं ब्वति काःगु खः ।्