प्रज्ञा ज्ञानमाला भजन संघय् न्हूगु ज्यासना पुचः

हेटौंडा – थनया प्रज्ञा ज्ञानमाला भजन संघया छगू मुँज्यां न्हूगु ज्यासना पुचः नीस्वंगु दु । प्रज्ञा महाविहारया अध्यक्ष रुपकराज वज्राचार्यया अध्यक्षताय् जूगु भेलां पवन शाक्यया अध्यक्षताय् गुम्हेसिया न्हूगु ज्यासना पुचः सर्वसम्मतिं ल्यःगु खः ।

न्हूगु ज्यासना पुचःया न्हापांम्ह उपाध्यक्षय् सुनकुमार मानन्धर, निम्हम्ह उपाध्यक्षय् शोभा वज्राचार्य, महासचिवय् नियमराज शाक्य, कोषाध्यक्षय् प्रेम शाक्य, सहसचिवय् तेजलक्ष्मी शाक्य व सहकोषाध्यक्षय् रुपा वज्राचार्ययात ल्यःगु दु । अथे हे दुजलय् सुमित्रा श्रेष्ठ व सानु शाक्य च्वनादीगु दु ।

ज्याझ्वलय् महाविहारया पुलांम्ह सल्लाहकार पुष्पनन्द शाक्य, धर्म गुथि हेटौंडाया अध्यक्ष ज्ञानरत्न वज्राचार्य लगायतया उपस्थिति दुगु खः । भजन संघं बुद्धया उपदेशयात जनमानसय् न्यंकेगु ल्याखं शनिवाः पतिकं थीथी ज्याझ्वःलिसें उपदेशात्मक ज्याझ्वः याना वयाच्वंगु दु ।

 

सम्बन्धित बुखँ

LEAVE YOUR COMMENTS