न्हूदँ समारोह समिति नीस्वन

येँ – नेपाल संवत् ११३९ न्हूदँ हनेगु लागिं म्हिगः न्हूदँ समारोह समिति नीस्वंगु दु । म्हिगः च्वंगु छगू मुँज्यापाखें ‘नेपाल संवत् राष्ट्रिय न्हूदँ समारोह समिति–११३९’ नीस्वंगु खः । थनया नेपाः ब्यांक्वेटय् नेपाल संवत् राष्ट्रिय न्हूदँ समारोह समिति सल्लाहकार समितिया कजि लक्ष्मीदास मानन्धरया सभापतित्वय् जूगु उगु ज्याझ्वलय् थीथी खलः पुचःपाखें वःपिं ७० म्ह दुजःतय् उपस्थिति दुगु खः ।

ज्याझ्वलय् व्यवस्थापन समितिया दुजः उमेश स्थापितं प्रगति विवरण न्ह्यब्वयादीगु खःसा आर्थिक समितिया दुजः अमृत ताम्राकारं आर्थिक प्रतिवेदन न्ह्यब्वयादीगु खः । म्हिगः समारोह समिति गठन जूसां समितिया नायः धाःसा ल्यःगु मदुनि । थौं च्वनीगु समारोह समितिया बैठकं न्हूदँ समारोह समितिया नायः ल्यइगु खँ धाःगु दु ।