नेवाः विस्थापनया मुद्दाय् थौं सहलह मुँज्या

नेपालभाषा टाइम्स

येँ- स्वनिगःया नेवाःतय्त वयाच्वंगु विस्थापनया समस्यायात कयाः थौं छगू सहलह ज्याझ्वः जुइत्यंगु दु । थीथी लागाय् सतक विस्तार, थँबहिली छायादेवी कम्प्लेक्स निर्माण, फास्ट ट्राय्क, धरहराय् स्थानीय लागा अतिक्रमण, लगंख्यःया सप्तपाताल अतिक्रमण आदि मुद्दाय् नेवाः सरोकार क्यनेगु ताः तयाः उगु सहलह जुइत्यंगु खः । हलिं नेवाः दबू नेपाः देय् मूकवःया ग्वसालय् कोपुण्डोलया सातोआकी भवनय् जुइगु उगु सहलह मुँज्याय् थुपिं संकटया विरुद्ध आन्दोलनय् आवद्ध जुयाच्वंपिं सुमन साय्मि, जितेन्द्र वज्राचार्य, असोज महर्जन, भागवत नर्सिंह प्रधान, यादवलाल कायस्थ, सचिन शाक्य, पूर्ण स्थापित आदिपिंसं बिचाः तयादीगु खँ ग्वसाः खलकं धाःगु दु ।