ज्वंपिंत त्वःतेत यल मंकाः खलः सहित १९गू जातीय संगठनया माग

यल- यलया पुच्वय् बुंगद्यःया रथयात्रा यायेगु झ्वलय् ज्वंपिंत बिना सर्त त्वःतेत नेपालभाषा मंकाः खलः यल सहित यलया १९गू जातीय संगठनतय्तसं माग याःगु दु ।

यल मंकाः खलः नापं १९गू जातीय संगठनतय् शनिवाः च्वंगु मुँज्यां रथ सालेगु इलय् ब्वलंगु परिस्थितिइ संलगन पुचःया पहिचान यासें विविध प्रविधि छ्यलाः प्रहरी प्रशासनं छेँछेँय् वनाः धरपकड यानाच्वंगु खँय् विरोध प्वंकूगु दु । मुँज्यां लिपा मंकाः रुपं पिथंगु व्यक्तव्यय् छेँछँय् धरपकड यायेगु ज्या तत्काल दिकेत व ज्वंपिं फुक्कसितं बिना सर्त त्वःतेत माग याःगु दु ।

अथेहे विज्ञप्तिइ मंकाः खलः नापं १९गू जातीय संगठनतय् मुँज्यां बुंगद्यःया जात्रायात संयमित व सुरक्षित रुपं यायेगु सर्वमान्य सहमति कथं न्ह्याः वनाच्वंगु धासें थुगुसी नखत्याः मसतेगु व मवनेगु नं इनाप याःगु दु ।