भ्यू टावर दयेकेगु ज्या दिनाच्वन

येँ (नेपालभाषा टाइम्स)÷ थनया पुलांगु बस पार्कय् दयेकाच्वंगु भ्यू टावरया ज्या दिनाच्वंगु खँ सीदुगु दु । येँ महानगरपालिकाया प्रवक्ता ईश्वरमान डंगोलं ‘नेपालभाषा टाइम्स’ लिसें खँ ल्हासें थौंकन्हय् भ्यू टावर दयेकेगु ज्या दिनाच्वंगु खँ कनादीगु खः ।

वय्कलं न्यादँया दुने भ्यू टावर दयेकेगु ज्या क्वचायेकेमाःगु खःसां नं दयेकेगु ज्या दिनाच्वंगुलिं भ्यू टावरया ज्या अनिश्चित जूगु खँ कनादीगु दु । वय्लं सम्झौता कथं गुलि ज्या जुइमाःगु खः उलि ज्या मजुयाच्वंगु धासें उकियात छु यायेगु धइगु बारे सहलह जुयाच्वंसां नं निर्णय धाःसा जुइ मफयाच्वंगु खँ नं कनादिल ।

भ्यू टावर ज्याय् संलग्न ठेकेदार कम्पनीया अध्यक्षयात एपेक्स डेभलपमेन्ट बैंक घोटाला काण्डय् लायेवं भ्यू टावर दयेकेगु ज्या नं अनिश्चित जूवंगु खः । भ्यू टावर दयेकेगु ज्या वंगु भदौं दुने छुं प्रतिशत ज्या क्वचायेकेमाःगु सर्त दुगु खःसां नं सर्त कथं ज्या धाःसा जुयाच्वंगु मदु ।
२३ तल्लाया उगु भ्यू टावरय् नीन्यादँया निंतिं येँ मनपां सव लिजय् बिउगु खः ।

सम्बन्धित बुखँ

LEAVE YOUR COMMENTS