पार्टी विरोधीयात सरुवा

येँ – सरकारय् थ्यंपिं मन्त्रीतय्सं सरकारी कर्म–चारीतय्त राजनी–तिक रुपं गुलि प्रतिशोध कायेयः धइगु खँया छगू नमूना प्राप्त जूगु दु । स्वास्थ्यमन्त्री उपेन्द्र यादवयात स्वास्थ्य व जनसंख्या मन्त्रालयया कर्मचारीत सरुवा यायेगु लागिं वःगु सिफारिसय् पार्टीया घोर विरोधी जूगुलिं अति दुर्गम थासय् छ्वयेगु व्यहोरा दुथ्यानाच्वंगु दु ।

कपिलवस्तुइ कार्यरत डा. किशोर बंजाडेयात गुल्मीया दुर्गम थासय् सरुवा यायेगु व कपिलवस्तुइ हे कार्यरत सि. अहेबा सिद्धार्थकाजी वज्राचार्ययात अति दुर्गम थासय् सरुवा याना छ्वयेगु सिफारिस याना तःगु दु । उमित सरुवा याये माःगु कारण धकाः कैफियतय् ‘पार्टीया घोर विरोधी जूगुलिं’ धकाः च्वयातःगु दु ।