हलुका सवारी चालक तालिम

येँ – राष्ट्रिय प्रहरी प्रशिक्षण प्रतिष्ठान महाराजगंजं प्रहरी प्रधान ज्याकू सवारी महाशाखाया नीगूगु पुचःयात हलुका सवारी तालिम बिउगु दु ।
महाशाखाया प्रमुख वरिष्ठ प्रहरी उपरीक्षक ई नरोत्तमलाल प्रधानं वंगु सोमवाः उगु तालिमया उलेज्या यानादीगु खः । तालिमया उलेज्या यासें सीमित स्रोत व साधनया बावजुद नं तालिमयात उपलब्धिमूलक दयेका यंकेमाःगु खँय् बः बियादिल ।

प्रहरी नायव उपरीक्षक ई. कमलेन्द्रलाल कर्ण तालिम सम्बन्धी प्रतिवेदन न्ह्यब्वयादीगु तालिमय् छम्ह प्रहरी हवल्दारलिसें ख्वीम्ह प्रहरी जवान यानाः ६१ म्हेसिनं तालिम कयाच्वंगु दु । तालिम लत्या तक न्ह्याइ ।