प्यम्ह कविया मंकाः चिनाखँ ब्वनेज्या

यल – नेपालमण्डल साहित्य प्रतिष्ठानया ग्वसालय् नेपालभाषाया प्यम्ह कविया मंकाः चिनाखँ ब्वनेगु ज्याझ्वः जुल । प्रतिष्ठानया नायः बद्री बेदनाया सभापतित्वय् उगु ज्याझ्वः जूगु खः ।

ज्याझ्वय् नविनप्रकाश श्रेष्ठ, नरेन्द्रमान महर्जन, राज अक्ष्योभ्य व रामेश्वर मिश्रण श्रेष्ठं थःथःगु चिनाखँ ब्वनाः न्यंकादीगु खः । वय्कःपिं प्यम्हेसिनं नं म्हतिं स्वपु स्वपु चिनाखँ निक्वः ब्वनादीगु खः । ज्याझ्वः लिपा प्रतिष्ठानया नायः वेदनां प्यम्हं कविपिंत मतिनाया चिं लःल्हानादीगु खः ।