जनस्वास्थ्ययात कयाः आयोगया चिउताः

येँ – राष्ट्रिय मानवअधिकार आयोगं थीथी विकास निर्माण व परियोजनाया कारणं आम नागरिकया स्वास्थ्यय् लिच्वः लाकाच्वंगुयात कयाः सरोकारवालालिसे सहलह याःगु दु । आयोगं स्वनिगःलिसें थीथी थासय् विकास निर्माण लगायतया परियोजनाया कारणं आम नागरिकया स्वास्थ्यय् गम्भिर रुपं लिच्वः लाकाच्वंगु धासें उकियात कयाः सरोकारवालालिसें सहलह याःगु खः ।

देय्या थीथी थासय् स्थापना यानातःगु व संचालन जुयाच्वंगु उद्योग, कल कारखानापाखें वातावरणय् प्रतिकूल लिच्वः लाकाच्वंगु व उकिं मनूतय् स्वास्थ्यय् गम्भिर रुपं लिच्वः लाकाच्वंगु धासें आयोगं नेपाल सरकारया प्रतिनिधिलिसें सहलह याःगु खः ।

आयोगं उगु इलय् उद्योग कलकारखानापाखें पिहां वयाच्वंगु धू व कुँलिसें अज्याःगु वस्तुं आमनागरिकया जीवन व स्वास्थ्यय् लाकाच्वंगु प्रतिकूल लिच्वःयात कयाः चिउताः प्वंकुसे वायु प्रदूषण म्हो यायेत नालेमाःगु उपाययात सम्बन्धय् सरकारया अनुगमन व वायु प्रदूषण नियन्त्रण प्रक्रिया कार्यान्वयनया सम्बन्धय् सहलह ब्याकूगु खः ।

वइगु दिनय् नं आयोगं थ्व विषयय् थप अध्ययन व अनुगमन याना वनेगु जुइ धासें आयोगया दुजः सुदीप पाठकं नेपाल सरकारयात थ्व सम्बन्धय् आवश्यककथं थप सुझाव बिया वनेगु जुइ धयादिल ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन