ख्वपय् संरचना थुनेगु शुरु

ख्वप – सूर्य विनायक नगरपालिकां सतक अतिक्रमण यानाः दयेकातःगु संरचना थुनेगु शुरु याःगु दु । सतक विस्तारयात महाअभियानया रुपय् कासें नगरपालिकां थनया सिर्जना नगर चोकं नगरपालिका तक वनेगु सतक जःखः च्वंगु सतक अतिक्रमण यानाः दयेका तःगु संरचना थुनेगु शुरु याःगु खः ।

नगरपालिकां सतक अतिक्रमण यानाः दयेकाःगु छेँया पःखाः व टहरा ल गायतया संरचना थुनेगु शुरु याःगु खः । नगरपालिकाया प्रमुख वासुदेव थापा, वडा नं. ५या वडाअध्यक्ष राजकुमार जोशी, वडा सदस्य दीपक बिशुंखे लगायतया प्रतिनिधितय् प्रत्यक्ष अनुगमन लिपा सतक सिमांकन यायेधुंकाः डोजर लगे यानाः अज्याःगु संरचना थुनेगु ज्या न्ह्याकूगु खः ।