साहित्यकार प्रजापतिया स्मृति ग्रन्थ पिदन

येँ – पलिस्थाया नायःलिसें मदुम्ह साहित्यकार श्यामदास प्रजापतिया लुमन्तिइ वंगु शनिवाः छगू ज्याझ्वः जुल । ज्याझ्वलय् मदुम्ह प्रजापतिया व्यक्तित्व व कृतित्वयात कयाः थीथी च्वमिपिंसं च्वयादीगु संस्मराणात्मक लुमन्ति सपूm श्यामदास स्मृति ग्रन्थया पितब्वज्या याःगु खः ।

पलिस्थाया नायः पूर्ण ताम्राकारया सभापतित्वय् जूगु ज्याझ्वलय् मूपाहां नांजाःम्ह साहित्यकार डा. योगेन्द्र प्रधानं स्मृति ग्रन्थया पितब्वज्या यानादीगु खः । मदुम्ह प्रजापतिया दकिलाया पुण्यतिथिसा लाकाः जूगु उगु ज्याझ्वलय् मूपाहां प्रधानलिसें वय्कःया म्ह्याय् रश्मिला प्रजापति व काय सुरज प्रजापतिं नं नुगःखँ तयादीगु खः ।

ज्याझ्वः सभापतिलिसें संस्थाया नायः ताम्राकारं मदुम्ह प्रजापतिं नेपालभाषा साहित्य ख्यलय् हे छम्ह ज्वःमदुगु योगदान बियादीगु धासें दँदँ तक म्हं मफयाः छकू क्वथाय् च्वना च्वनेमाःसां मांभाय् व साहित्यया सेवा यानाः तसकं च्वछायेबहगु ज्या यानादीगु खँ कनादीगु खः । पितब्वज्या जूगु सफुतिइ मदुम्ह प्रजापतिया व्यक्तित्व व कृतित्वयात कयाः थीथी स्वीन्हय्म्ह च्वमिपिनिगु च्वसु दुथ्यानाच्वंगु दु ।

सम्बन्धित बुखँ

LEAVE YOUR COMMENTS