प्रविधिया कारणं लाइसेन्सय् समस्या

यल – सवारी चालक अनुमतिपत्र (लाइसेन्स)य् प्रविधिया कारणं सेवाग्राहीतय्सं समस्य फयेमालाच्वंगु दु । यातायात व्यवस्था ज्याकू एकान्तकुनाय् वइपिं सेवाग्राहीतय्सं प्रविधिया कारणं समस्या फयेमााःगु खः । अनुमतिपत्रय् न्हापा छगू समूहय् तयातःगु सवारीयात आः मेगु हे समूहय् तयातःगु दु ।

न्हापा अन्य समू धकाः तयातःगु ततःग्वःगु सवारी साधन (हेभी)यात आ बिस्कं समूहय् तःगु दु । ज्याकूया शाखा अधिकृत रमेश पौडेलया कथं प्रविधिइ वःगु समस्याया कारण. सेवाग्राहीतय्त असुविधा जुयाच्वंगु दु । सवारी चालक अनुपत्रि पत्रया निंतिं काइगु परीक्षाय् उत्तीर्ण व अनुत्तीर्ण छु खः धइगु बारे अभिखे ढड्ड व सर्भरय् एकरुपता मजूगुलिं समस्या खने दयाच्वंगु खः ।

उगु ज्याकूया कर्मचारीत मध्ये स्वम्हेसिनं जक सर्भरया प्रयोग याना च्वंगु दु । स्वम्हं कर्मचारीं उकी समस्या खने दयाः तत्काल समाधान पिकाये मफुत धाःसा इमिसं विभागय् छ्वयेगु यानाच्वंगु दु । प्रविधिया बारे बांलाक जानकारी मदुगुलिं सेवाग्राहीत विभागय् वनाच्वनेमाःगु अवस्था दु ।