पाक्व पुखुद्यां मानन्धरया साधारणसभा

येँ – पाको पुखुद्यां मानन्धर सनां खलःया च्याक्वःगु साधारण सभा शनिवाः क्वचाल । खलःया कजि माहिलाकाजी मानन्धरया सभापतित्वय् जूगु उगु ज्याझ्वलय् सचिव गौतम मानन्धरं संस्थाया वार्षिक प्रतिवेदन व कोषाध्यक्ष बद्रीनारायण मानन्धरं आर्थिक प्रतिवेदन न्ह्यब्वयादीगु खः ।

ज्याझ्वलय् थीथी सामाजिक सुधार, सांस्कृतिक गतिविधि, शैक्षिक गतिविधि च्वन्ह्याका यंकेमाःगु खँय् सहलह जूगु खः । उगु हे ज्याझ्वलय् गुंलाजःछि स्वयम्भूइ वइगु हरेक गुंला बाजं खलःयात येँ महानगरपालिकां १ लाख २५ द्वः तका बीगुया लिसें मानन्धरतय् बाजं प्रवद्र्धन यायेगु लागिं प्रदेश सरकारपाखें नं ग्वाहालिया पहल जुयाच्वंगु जानकारी बिउगु खः ।ज्याझ्वलय् उपसभापति टिकाबहादुर मानन्धरं लसकुस व उपसचिव सुवर्ण मानन्धरं सुभाय् देछानादीगु खः ।