प्रदेश ३ या बैठक अनिश्चित

हेटौंडा – राजधानी विवाद वइ धकाः प्रदेश नं. ३ या संसद बैठक हानं अनिश्चितकाल तकया लागिं बन्द जूगु दु । लत्या लिपा म्हिगः बल्लबल्ल च्वंगु बैठक निगू विधेयक पारित यासें क्वचायेकूगु खः । मेगु बैठक गबले च्वनीगु खँ निश्चित मदुनि ।

मुख्यमन्त्री डोरमणि पौडेल कतार भ्रमणय् वंगुलिं वय्कः लिहां वयेकाः जक राजधानीया चर्चा जुइगु खँ धाःगु दु । बैठक न्ह्याके न्ह्यः च्वनीगु विशेष समय तकं राजधानीया खँ पिहां वइ धकाः मबिसे म्हिगः तप्यंक औपचारिक बैठक न्ह्याकाछ्वःगु खः । मुख्यमन्त्री पौडेलं राजधानीया मुद्दा सहमतिं क्वचायेकेगु धयाच्वंगु दु ।