सू–की नेपाः झाइगु

येँ – थीथी कथंया अन्तर्राष्ट्रिय विवादय् लानाच्वंम्ह म्यान्मारया स्टेट काउन्सिलर तथा स्वतन्त्रता सेनानी आङ्ग साङ सू–की थ्वहे वइगु मङ्सिर १३ गते बिहिवाः नेपाः झाइगु जूगु दु । नेपालय् वय्कलं थुगुसी धर्म सम्बन्धी छुं हे खँ मथिसे शान्ति व सामाजिक मुद्दाय् की–नोट स्पिच बीगु खँ म्यान्मारया प्रेस काउन्सिलं धाःगु दु ।

सन् ७० या दशकय् अथे निदँ नेपालय् च्वनादीगु इलय् वय्कःया कान्छाम्ह काय् किम थन हे जन्म जूगु खः । निदँ न्ह्यः तिनि मय्जु सू–की नेपाः झाःबलय् थनया धर्मकीर्ति विहारय् धम्मवती गुरुमांयात नं नापलाः झाःगु खः । थुगुसी धाःसा वय्कःया भ्रमणया पूवंगु जानकारी मवःनि ।