‘नेपालं मिस वल्र्ड त्याके थाकु’

मिस वल्र्ड २०१८या प्रतिस्पर्धाय् न्ह्यानाच्वंगु अनलाइन भोटिङ्गय् मिस नेपाल शृङ्खला खतिवडा अप्वः मत कयाच्वंम्ह छम्ह प्रतिस्पर्धी खः । तर नेकपाया छम्ह सांसदया म्ह्याय् जुयाच्वंम्ह शृङ्खलां मिस नेपाल प्रतिस्पर्धाय् सहभागी जुइत तकं संघर्ष यायेमाःगु खः । सुरुइ वयात अबुपाखें स्वीकृति कायेत तकं थाकुगु खः ।

वयागु चर्चाया छगू ब्व राजनीतिक पृष्ठभूमिया परिवारपाखें वःगुलिं नं खः । न्हापा मिस नेपाल धेंधेंबल्लाया हे विरोधय् कुहां वइपिं माओवादीलिसे एकता यायेधुंकूगु तत्कालिन एमाले व आःया नेकपाया सांसद विरोध खतिवडा व तत्कालिन एमालेया मकवानपुर जिल्ला अध्यक्ष जुयाः प्रदेश सांसद जुयाच्वंम्ह मुनु सिग्देलया म्ह्याय् खः – शृङ्खला ।

वयागु निंतिं मिस नेपाल धेंधेंबल्लाखय् दुहां वनेगु लुखा चायेकेत थःम्हं ग्वाहालि यानागु खँ मुनुं धयादीगु दु । ‘सुरुइ ला वया अबु माने हे मजू । शृङ्खलां न्हापांखुसी जितः धेंधेंबल्लाखय् ब्वति कायेगु धाःबलय् जितः नं थ्व जिमिगु ख्यः मखुथें ताःगु खः । तर आः मिस नेपालय् वनाः थःगु प्रतिभा क्यनेगु व उकिं चूलाःगु ख्यातिं समाजसेवा यायेगु खँ ल्हायेवं स्वीकृति बीत जिं वया अबुयात सम्झे याना ।

गुलिखे सामाजिक सञ्जालय् शृङ्खला दकलय् क्षमतावान प्रतियोगी जूगु व वं उपाधी हे त्याकेफुगु दावी नं याना हयाच्वंगु दु । तर मिस वल्र्डया प्रतिस्पर्धाय् नेपालीया निंतिं चुनौतिपूर्ण जुइगु खँ पुलांपिं मिस नेपालतय्सं धाःगु दु

थ्वयां न्ह्यः जिं पार्टीया जि सहकर्मीत लिसे नं थ्व बारे सहलह याना ।’नेपाल कम्युनिष्ट पार्टी (नेकपा)या नेतातय्सं नं थौंकन्हय् शृङ्खलाया बारे सामाजिक सञ्जालय् पोष्ट यानाच्वंगु दु । शंकर पोखरेल व योगेश भट्टराईं शृङ्खलाया परिचयात्मक भिडियो ट्विट नं याःगु दु । सामाजिक सञ्जालय् अन्तर्राष्ट्रिय सौन्दर्य प्रतियोगिताय् नेपाली प्रतिस्पर्धीतय्सं आःतकया दकलय् उत्कृष्ट प्रदर्शन धकाः शृङ्खलाया प्रशंसा नं जुयाच्वंगु दु ।

गुलिखे सामाजिक सञ्जालय् शृङ्खला दकलय् क्षमतावान प्रतियोगी जूगु व वं उपाधी हे त्याकेफुगु दावी नं याना हयाच्वंगु दु । तर मिस वल्र्डया प्रतिस्पर्धाय् नेपालीया निंतिं चुनौतिपूर्ण जुइगु खँ पुलांपिं मिस नेपालतय्सं धाःगु दु । उपिं मध्येया छम्ह माल्भिका सुब्बां धयादिल, ‘न्हापां ला नेपाः आर्थिक रुपं बल्लाःगु देय् मखु ।

उकिं न्ह्याक्व हे प्रतिभाशाली प्रतिस्पर्धी छ्वःसां उमित त्याकेत था हे थाकुइ । थ्व बाहेक उमिसं उपयुक्त तालिम कायेखंगु दइमखु, अन थीथी नियमत दइ, गुकियात झीसं गुबलें नं पूवंक फयाच्वंगु मदु । थज्याःगु खं नं यक्व लिच्वः लाकी ।’शृङ्खलाया मां मुनु सिग्देलया कथं पारिवारिक वातावरणं म्ह्याय्या क्षमता अभिवृद्धि यायेत ग्वाहालि याःगु खः ।

वय्कलं धयादीगु दु, ‘वयाके मचां निसें राजनीतिक नेतातय्के दयेमाःगु गुण क्यंगु दु । मचां निसें थःत चित्त बुझे मजूगु खँ पार्टीया नेतातय्त धायेगु याः । राजनीतिक परिवारया म्ह्याय् जूगुलिं वयाके मचां निसें घुलमिल जुइगु, सही गलत छुटे यायेगु स्वभाव दु । उकिं मिस वल्र्ड धेंधेंबल्लाखय् नं वं बांलाःगु प्रदर्शन याइ धयागु खँय् जि ढुक्क दु ।’

मिस वल्र्डया नकतिनि हे क्वचाःगु उत्कृष्ट मोडल प्रतिस्पर्धाय् शृङ्खला शीर्ष ३० म्ह दुने लाःगु दु । आः जुयाच्वंगु मल्टिमिडिया, ब्युटि विथ पर्पोज व मेमेगु उपाधीया निंतिं थःम्हं बांलाःगु प्रदर्शन यायेगु अपेक्षा वयागु दु । मिस वल्र्डया मू प्रतिस्पर्धा धाःसा वइगु डिसेम्बर ८ य् जुइ, गुकी सछि व नीम्ह सुन्दरीतय्सं प्रतिस्पर्धा याइ ।

सम्बन्धित बुखँ

LEAVE YOUR COMMENTS