लय्चिनामि शाक्यया हनाय् सांगीतिक सनिल जुइगु
येँ (नेपालभाषा टाइम्स) – नेपालभाषा सांगीतिक ख्यःया नांजाःम्ह लय्चिनामिलिसें म्येँ हालामि नील शाक्ययात हनालिसें वय्कःया सम्मानय् सांगीतिक ज्याझ्वः जुइगु जूगु दु । प्रतिभा सेवा समाजया ग्वसालय् वइगु असार २७ गते उगु ज्याझ्वः जुइत्यंगु खः ।
नेपालभाषा सांगीतिक ख्यलय् न्हापांगु म्युजिक भिडियोकथं कयातःगु ‘लुमंका च्वना छंत जिं’ म्येँया म्येँ हालामि नापं मोडल शाक्ययात सम्मानय् यलया पूच्वय् च्वंगु अपटाउन लन्जय् उगु ज्याझ्वः जुइगु ग्वसाः खलकं जानकारी बिउगु दु ।
लय्चिनामि शाक्यया सम्मानय् जुइगु ज्याझ्वलय् नांजाःपिं म्येँ हालामिपिं देविका बन्दना, कविता जोशी श्रेष्ठ, लसता जोशी, एन्जिला श्रेष्ठ, सतिश महर्जन, सरिता शाही, रोजी श्रेष्ठ, सुरेन्द्र तुलाधर, रोविन्सन कंसाकार लगायत आपालं कलाकारं थःगु सांगीतिक प्रस्तुति नं बीगु ग्वसाः खलकं जानकारी बिउगु दु ।
LEAVE YOUR COMMENTS