येँ रेडक्रसय् न्हूगु ज्यासना पुचः
येँ(नेपालभाषा टाइम्स)÷नेपाल रेडक्रस सोसाइटी येँ जिल्लाया ४२ क्वःगु अधिवेशनं न्हूगु ज्यासना पुचःया ल्यःगु दु । वंगु शनिवाः जूगु येँ रेडक्रसया अधिवेशनं श्याम डोटेलयात न्हूम्ह सभापति ल्यःगु दु ।
थ्व स्वयां न्ह्यःया ज्यासना पुचलय् मन्त्री जुयाच्वनादीम्ह डोटेलं ६९ मत प्राप्त यानादीगु खःसा वय्कःया निकटतम प्रतिस्पर्धी लबराज श्रेष्ठं ३४ मत प्राप्त यानादीगु खः ।
येँ जिल्ला शाखाया उपसभापतिइ विष्णुमान मानन्धर व अञ्जना श्रेष्ठ मास्के, मन्त्रीइ वृद्धिमान शाक्य, कोषाध्यक्षय् लक्ष्मीरत्न तुलाधर, उपमन्त्रीइ सुनिलकुमार श्रेष्ठ व उपकोषाध्यक्षय् नवराज भण्डारी निर्वाचित जुयादीगु दु ।
थुकथं हे दुजलय् पुष्कर चालिसे, श्यामलाल तण्डुकार, अमृतनारायण मानन्धर, विदुर भट्टराई, रजेन्द्रप्रसाद श्रेष्ठ, राजेन्द्र बानिया, लक्ष्मीप्रसाद कुइँकेल, प्रतीक्षा खरेल, मञ्जु पाण्डे व सब्बारानी महर्जन निर्वाचित जुयादीगु दु ।
येँ जिल्ला शाखा अन्तर्गत १८ गूमध्ये १७ गू उपशाखां न्हूगु ज्यासना पुचलय् प्रतिनिधित्व याःगु दु ।
LEAVE YOUR COMMENTS