भुखाय् लिपा निर्माण जूगु छेँ बीमा याकीगु

येँ – सरकारं ८ लाख भुखाचं पीडित जनतां पुनर्निर्माण यायेधुंकूगु छेँया बिमा याकीगु जूगु दु । सरकारं राष्ट्रिय बिमा कम्पनीपाखें भुखाय् लिपा दयेकूगु फुक्कं छेँया बिमा याकेत्यंगु खः । सरकारं छखा छेँया ४५० तका प्रिमियम कयाः ५ लाख तका जोखिम बहन यायेत्यंगु खः । मुक्कं प्रिमियमया ५० प्रतिशत सरकारं बेहोरे याइगु खँ धाःगु दु ।

बिमा समितिं क्वःछिनातःगु ४५० तका प्रिमियम बारे निर्णयया निंतिं फाइल मन्त्रिपरिषदय् छ्वयेधुंकूगु दु । लछिया दुने मन्त्रिपरिषदं निर्णय जुयाः कार्यान्वयनय् वइगु दावी समितिं याःगु दु । भुखाय् लिपा २०७३ भदौ २० गते च्वंगु तत्कालिन विकास समितिया बैठकं भुखाय् लिपा पुनर्निर्माण याइगु फुक्कं निजी व सार्वजनिक संरचनाया अनिवार्य बिमा यायेमाःगु निर्देशन बिउगु खः ।

निजी आवासया अनिवार्य बिमा याकेगु प्रक्रिया न्ह्यायेधुंकूगु दुसां नं सार्वजनिक संरचनाया बिमा यायेगु प्रक्रिया अझं न्ह्याःगु मदुनि ।
आः तक ८ लाख १२ हजार स्वयां अप्वः भुखाचं पीडित परिवारया पहिचान जूगु दु । उकी मध्ये ७ लाख ३२ हजार ७ सय लाभग्राहीं अनुदान सम्झौता यायेधुंकूगु दु ।

सम्बन्धित बुखँ

LEAVE YOUR COMMENTS