राससय् भाषा अनुवादकतय्त प्रशिक्षण

येँ (नेपालभाषा टाइम्स)- राष्ट्रिय समाचार समितिं मातृभाषा समाचार सेवा अन्तर्गत मैथिली व नेपालभाषाया अनुवादयात म्हिगः थःपिनि ज्याकुथिइ समाचार सेवा लिसें थुकिया प्रकृतियात कयाः प्रशिक्षण बिल ।

नेपालभाषा अनुवादया नितिं नियुक्त जूपिं नरोत्तम वज्राचार्य व पौभाः डंगोल लिसें मैथिली भाषाया अनुवादकय् नियुक्त जूपिं गजेन्द्रकुमार राय व मृदाङ्का सलोनीयात राससया इतिहास, परिचय, समाचार संकलन, सम्पादन, सम्प्रेषण, मातृभाषा पत्रकारिता व राससया दायित्वया विषयय् प्रशिक्षण बिउगु खः ।

प्रशिक्षार्थीतय्त राससया महाप्रबन्धक सिद्धराज राई, नायब महाप्रबन्धक सोमनाथ लामिछाने, श्यामप्रसाद रिमाल, प्रशासन प्रमुख शीतलप्रसाद महतो, कार्यकारी अध्यक्ष धर्मेन्द्र झा व नायब महाप्रबन्धक राजु शाक्यं प्रशिक्षण बियादीगु खः ।