साझां स्थानीलिपा आः प्रदेश नापं सहकार्य याइगु

येँ – थनिं करिब निदँ न्ह्यः येँ महानगरपालिकानाप साझेदारी यानाः सहकार्य विस्तार याःगु साझा यातायातं आः हाकनं सहकार्य विस्तार याइगु जूगु दु । निदँ न्ह्यः येँ महानगरपालिकालिपा स्वनिगःया थीथी नगरपालिकां सेयर न्यायेवं साझा यातायातं सहकार्य विस्तार याःगु खःसा आः वयाः स्थानीय व प्रदेश सकारलिसे जानाः थप सहकार्य विस्तार याइगु जूगु दु ।

निदँ न्ह्यः दकलय् न्हापां येँ मनपां साझाया सेयर न्यानाः सहकार्य यायेवं वयां लिपा यल मनपा, गोदावरी, महालक्ष्मी नगरपालिकां नं साझाया सेयर न्यानाः सहकार्य विस्तारय् ग्वाहालि याःगु खः । आः वयाः प्रदेश सरकारं नं उकथं सेयर न्यानाः साझालिसे सहकार्य विस्तार यायेगु ज्याय् ग्वाहालि यायेत तयार जुयाच्वंगु साझाया व्यवस्थापक महेन्द्र पाण्डें कनादीगु दु ।