नारायणगोपाल युवा संगीत व अरनिको युवा कला पुरस्कार लःल्हात

येँ – थुगुसीया स्वरसम्राट नारायणगोपाल युवा संगीत पुरस्कार व अरनिको युवा कला पुरस्कार आः नकतिनि छगू ज्याझ्वःया दथुइ लःल्हात । उगु निगुलिं पुरस्कार प्यम्हेसित लःल्हाःगु खः । राष्ट्रिय युवा कोषया ग्वसालय् छगू ज्याझ्वःया दथुइ नारायणगोपाल युवा संगीत पुरस्कार म्येँ हालामि मनोजराज शिवाकोटी व इतु जोजिजु व अरनिको युवा कला पुरस्कार नगेनसिंह ठकुरी व विष्णुप्रसाद श्रेष्ठयात लःल्हाःगु खः ।

उगु पुरस्कार उपप्रधानमन्त्री नापं उर्जामन्त्री कमल थापां लःल्हानादीगु खः । पुरस्कार लःल्हायेगु ज्याझ्वलय् नवासें वय्कलं अन्तर्राष्ट्रिय युवा वर्षया झ्वलय् लाकाः ल्याय्म्हतय्त हौसला बीगु ल्याखं कोषं महत्वपूर्ण भूमिका म्हिता वयाच्वंगु धयादिल ।निगुलिं पुरस्कार म्हतिं नीन्याद्वः तका दांया खः । कोषं आतकया दुने नारायण गोपाल संगीत पुरस्कार पीस्वम्ह व अरनिको युवा कला पुरस्कार स्वीच्याम्हेसित बी धुंकूगु कोषं जानकारी बिउगु दु ।