थ्रीस्टारं फ्रेन्डस क्लबयात बुकल

येँ – शहिद स्मारक ए डिभिजन लिग अन्तर्गत बिहिवाः जूगु कासाय् थ्री स्टार क्लबं फ्रेन्ड्स क्लबयात बुकूगु दु । थ्रीस्टारं फ्रन्ड्े्स क्लबयात २–१ गोलं बुकूगु खः । यलया सातदोबाटोय् च्वंगु एन्फा कम्प्लेक्सय् जूगु कासाय् थ्री स्टारं न्हापां अग्रता काःगु खः । न्हापांगु हाफया १७ औं मिनेटय् थ्री स्टारया निंतिं रञ्जन विष्टं न्हापांगु गोल याःगु खः । न्हापागुं हाफय् छगू गोलं लिउने लाःगु फ्रेन्ड्सयात ५९ औं मिनेटय् बराबरी यायेगु ह्वःताः चूलात ।

सरोज योञ्जनं ३० यार्ड तापाकं याःगु प्रहार थ्रीस्टारया गोलकिपर एलेन न्यौपानें नियन्त्रण याये मफयेवं फुत्के जूगु बलयात डिफेन्डरं पनाबिउगु खः।निगूगु हाफया ८३औं मिनेटय् थ्रीस्टार थप मेगु गोल यासें २–० गोलं अग्रता कलाबिल । थ्व गोल बुद्ध चेम्जोङं याःगु खः । फ्रेन्डसया निंतिं विकास लामां निगूगु हाफया इन्जुरी इलय् सान्त्वना गोल यायेत ताःलात ।थौं जाउलाखेल युथ क्लब व नेपाल पुलिस क्लब दथुइ धेंधेंबल्लाः जुइ ।

सम्बन्धित बुखँ

LEAVE YOUR COMMENTS