युभेन्ट्सय् प्रशिक्षण न्हयात
टुरिन (एएफपी) – जर्जियो चिलिनीया नेतृत्वय् युभेन्ट्सया कासामित मंगलवा: निसें व्यक्तिगत प्रशिक्षणय् कुहाँ व:गु दु । इटालीइ लिहाँ वये धुंकुम्ह क्रिस्टियानो रोनाल्डो धा:सा निवा:या क्वारेन्टाइनय् दु । क्लबया स्पोर्टस सेन्टरय् न्ह्या:गु व्यक्तिगत अभ्यासय् न्हापालाक चिलिनीनापं इटालीया डिफेन्डर लियोनार्डो बोनुची व आरोन राम्सीं ब्वति का:गु ख: । युभेन्ट्सका कथ व्यक्तिगत प्रशिक्षणया झ्वलय् इटालीमा सरकार क्वछिया त:गु सकतां सावधानी नाला काइगु जुइ । प्रशिक्षक न्हयाय् न्हय: थुकिइ ब्वति काइपिं सकलें कासामितय् कोरोना भाइरस परिक्षण नं जूगु ख: ।
LEAVE YOUR COMMENTS