ढाका कापःया वसतय् फेसन शो

यल – रोट्र्याक्ट क्लब अफ पाटन दरवार स्क्वायर व अरनिको विजनेस प्रमोसन सोसाइटीया मंकाः ग्वसालय् यल लाय्कुलिइ नेपाल–चाइना एक्स्पो मेला जुल । वंगु असोज २० गते जूगु एक्स्पोय् आधुनिक तानं थानातःगु नेपाली ढाका कापः व सुति कापःया वसतय् फेशन शो नं याःगु खः ।

मेलाय् ढाका व सुति कापया महत्व न्ह्यब्वयेगु ल्याखं जूगु फेसन शोया संयोजन श्रीजया शाक्य व तिलशा वज्राचार्यं यानादीगु खः । मुक्कं २८ म्ह मोडलया सहभागिता दुगु फेसन शोलय् रेजिया शाक्य व प्रियंका शाक्यं चर्चा प्याखं नं न्ह्यब्वःगु खः । फेसन शोया निंतिं यचु बुटिकं ड्रेस डिजाइन याःगु खःसा सन्जे टेक्सटाइल, के.आर. ट्रेडर्स, किन्ताराव ट्रेडर्स व लुभू गणेश सल कपडा उद्योगं ज्याझ्वःया प्रायोजन याःगु खः ।