मिजंतय्त जुइगु तनाव : कारण व उपचार

मिजंतय्गु निंतिं मानसिक स्वास्थ्यय् तनाव, डिप्रेसन व चिन्ता दकलय् अप्वः जुइगु समस्या मध्ये छता खः । तनावया कारणं छिगु मूड खराब जुइगु जक मखु, छ्यं स्याइगु व इम्युनिटी कम जुइगु नं जुइ । थुलि बाहेक तनावं टेस्टोस्टेरोनया स्तरयात कम यानाः प्रजनन प्रणालीयात नं नोक्सान यायेफु । अथे जुयाः थांै थन मिजंतय् तनावया कारण व उपचारया बारे खँ ल्हाये ।

मिजंतय्त जुइगु तनावया कारण

त्यासाया बोझ : यदि छितः त्यासाया बोझं क्वत्यलातःगु दुसा छिगु कम तलब व अप्वःगु छेँखर्चं न्ह्याबलें तनावय् लाकातइ । अप्वःगु त्यासाया बोझ फये मफयाः गुलिखे मिजंतय्सं ला थःगु ज्यान हे छ्वयाबी । सामाजिक मान्यता कथं परिवारयात लहीत मिजंतय्सं ध्यबाया व्यवस्था याइ । थहां वंगु बेसाःभाःया दथुइ मिजंतय्त ध्यबाया व्यवस्था यानाच्वने हे थाकुयावइ । आर्थिक नोक्सान मिजंतय्गु स्वास्थ्य समस्याया छगू तःधंगु कारण खः ।

ज्या व अपेक्षा : ज्या व ब्वयेगुया दबाब अप्वइगु अपेक्षा तनावया कारण जुइफु । यदि पाय्छि कथं म्यानेज यायेमफुत धाःसा तनावया स्तर थहां वनी, गुगु मानसिक व शारीरिक चिन्ताया कारण जुइ ।

स्वापू स्यनीगु : स्ट्रेसं छिगु मानसिक स्वास्थ्ययात बांलाकी मखु, थ्व ला सकसिनं सिउ, तर तनाव ब्वलनीगु कारण तःता हे दयेफु । थुपिं मध्ये हे छता खः, बांमलाःगु रिलेसनशीप, गुकिं जीवनय् तनाव ब्वलंकाबीफु । रिलेसनशीपय् थाकथुक जुया हे च्वनी, तर न्हियान्हिथंया ल्वापुख्यापुं यानाः तसकं तनावय् लाःवनी । उमिसं थुइके हे मफयाच्वनी कि थुकिं मुक्त जुइगु गथे यानाः खः ।

मिजंतय्त जुइगु तनाव तापाकाछ्वयेगु तरिका
१) व्यायाम तनाव स्तरयात कम यायेगुलिं नं जाः । थुकिं ऊर्जा अप्वयेकी । अले तनावयात तापाकेत ग्वाहालि याइ । थ्वं समग्र स्वास्थ्यय् नं सुधार हयेफु ।

२) तनावं मुक्त जुइत मिजंतय्सं गाक्क द्यनेगु यायेमाः । बांलाःगु पोषण व चान्हय् ६ निसें ८ घौया न्ह्यलं छितः तनावं मुक्ति कायेत ग्वाहालि याइ । क्याफिन व मेमेगु उत्तेजक पाखें बचय् जुयादिसँ, गुकिं तनाव व अनिद्रायात हःपाः बीफु । थुलि बाहेक छि अल्कोहलपाखें नं बचय् जुयादिसँ ।

३) तनावया कारणं जुइफुगु समस्याया सामना यानादिसँ । चिचिधंगु खँय् तनाव जुइकाः थःगु मूड खराब यानादीमते ।

४) प्राचीनकालं निसें हे ध्यानय् च्वनेगुयात तनाव व चिन्ता मदयेकेगु छगू तसकं अःपुगु तरिका कथं नाला वयाच्वंगु दु । नियमित रुपं छि १५ निसें २० मिनेट ध्यानय् च्वनादिसँ । न्हिं न्हिं हे ध्यान वनेगु खःसा ला झन् याकनं हे तनाव तनावनी । थुलि बाहेक छिं ताताःहाकयेक सासः ल्हानाः नं थःगु न्ह्यपुयात शान्त यायेफइ ।

५) हालसालया रिसर्चं मिजंतय्त तनाव ट्राफिक जामय् ६० प्रतिशत अप्वयावइ । मिसातय्त स्वयां न्हय्दुगं अप्वm । उकिं सम्भव दुसा थ्व समस्यां तापाक च्वनादिसँ ।

६) छिगु जीवनय् थज्याः थज्याःगु चीज जुइत्यंगु दु, गुकियात छिं न्ह्याक्व हे याःसां नियन्त्रण यानां यायेफइ हे मखु । अथे जूगुलिं तसकं वा वइगु, तसकं छाक निभाः त्वइगु, च्वापु गाइगु, धाकुफय् वइगु आदि आदि खँयात कयाः चिन्ता कयादीमते ।

सम्बन्धित बुखँ

LEAVE YOUR COMMENTS