विमानस्थलया निंतिं सिमा पालेत निगू मन्त्रालय दथुइ सहमति
येँ – वन तथा वातावरणमन्त्री शक्तिबहादुर बस्नेत व संस्कृति, पर्यटन तथा नागरिक उड्डयनमन्त्री रविन्द्रप्रसाद अधिकारी दथुइ निजगढ अन्तर्राष्ट्रिय विमानस्थल क्षेत्रय् लाःगु सिमा पालेगु सम्बन्धी प्रस्ताव तत्काल मन्त्रिपरिषदय् यंकेगु सहमति जूगु दु । म्हिगः वन मन्त्रालयय् जूगु सहलह लिपा निम्ह मन्त्री दथुइ विमानस्थलया सिमा पालेगु सहमति जूगु खः ।
सहलहय् पर्यटनमन्त्री अधिकारीं उगु प्रस्ताव मन्त्रिपरिषदय् यंकेत वनमन्त्री बस्नेतयात इनाप यानादीगु खः। मन्त्री बस्नेतं प्रधानमन्त्रीलिसे सहलह यानाः उगु प्रस्ताव मन्त्रिपरिषदय् यंकेगु बचं बियादीगु खः । निजगढय् विमानस्थल दयेकेगु झ्वलय् उगु क्षेत्रय् जक ८ गू लाख स्वयां अप्वः सिमा पालेमाःगु खनेदु ।
विमानस्थलया लिसें उगु थासय् शहर नं दयेकेगु खःसा २० गू लाखनिसें २२ गू लाख सिमा पालेमालीगु अनुमान वन मन्त्रालयं याःगु दु । अन न्हापा विमानस्थल जक दयेकेगु धकाः प्रस्ताव यानातःगु खःसा आः वयाः शहर नं दयेकेगु धकाः निर्णय यानातःगु खः ।
LEAVE YOUR COMMENTS