पेट्रोलया भाः थहां वनेफु

येँ – भारतय् पेट्रोलियम पदार्थया भाः थहां वंगुलिं नेपालय् नं भाः थहां वने फइगु खँ धाःगु दु दु । भारतय् वंगु सोमवाः निसें पेट्रोलियम पदार्थया भाः थहां वंगु खः । अन्तर्राष्ट्रिय बजारय् कच्चा पेट्रोलियम पदार्थया भाः थहां वंगुलिं उकिया लिच्वः नेपालय् नं लाये फइगु खँ धाःगु दु । अन्तर्राष्ट्रिय बजारय् कच्चा पेट्रोलियम पदार्थया भाः प्रति ब्यारल ७७.४३ डलर थ्यंगु दु ।

अथेहे भारतय् सोमवाः निसें पेट्रोलया भाः थहां वनाः ८६.५६ भारु थ्यंगु दु । थ्व धइगु नेपाली ध्यबाया ल्याखं प्रतिलिटर १३८÷५० तका खः । वंगु आइतवाःया तुलनाय् सोमवाः ३१ ध्यबा अझ थहां वंगु खः । उकिया लिच्वः नेपालय् लाये फइगु अनुमान जुयाच्वंगु दु ।

भारतय् थौंकन्हय् नं पेट्रोलियम पदार्थया भाः थिके जूगुलिं नेपालं भारतपाखें पेट्रोलियम पदार्थ तस्करी जुयाच्वंगु दु । यदि नेपालं अन्तर्राष्ट्रिय बजाः कथं भाः थमकाल धाःसा नेपालं भारतपाखें पेट्रोलियम पदार्थ तस्करी जुइगु ज्या अझ तच्वइगु खँ नं सम्बन्धित विज्ञपिंसं धाःगु दु ।

नेपालभाषा टाइम्स

च्वमिया मेमेगु

• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर
• बजाः अनुगमनयात निरन्तरता, व्यापारीत भागाभाग
• साहित्य मन्दिरया झिंस्वक्वःगु तँमुँज्या