इनाय् त्वालय् ‘मिनी पाहांचः¥हे’

येँ (नेपालभाषा टाइम्स)- येँ महानगरपालिका १९ वडा इनाय् त्वालय् थीथी ब्वनेकुथिया विद्यार्थीत जानाः पाहांचः¥हे नखः हनेत्यंगु दु । स्वनिगःया नेवाःतय् तःजिगु व सांस्कृतिक महत्वं जाःगु पाहांचः¥हे नखःया थीथी पक्षया बारे जानकारी बीगु ल्याखः थीथी ब्वनेकुथिया विद्यार्थीत जानाः पाहांचः¥हे नखः हनेत्यंगु खः ।

इन्द्र विनायक क्लबया ग्वसालय् थीथी ब्वनेकुथिया विद्यार्थीपिंत ब्वनाः पाहांचः¥हे नखःलिसें थनया मौलिक कला, संस्कृति, रीतिरिवाज आदि बारे जानकारी बीगु नापं पुस्तान्रणया उद्देश्यं उगु ज्याझ्वः यायेत्यंगु खः ।

पाहांचः¥हे नखःया झ्वलय् जात्रा याइपिं द्यःपिं गमय् तयेगु, लुकुमाःद्यःया पुजा यायेगु, म¥हःजा नकेगु, द्यः ल्वाकेगु आदि गतिविधि जुइ । क्लबपाखें ग्वसाः ग्वइगु ज्याझ्वलय् नं थुकथंया हे गतिविधि यानाः विद्यार्थीपिंत जानकारी बीगु ग्वसाः तयातःगु दु ।

पाहांचः¥हेया इलय् लुँमधि अजिमा, वतु भद्रकाली अजिमा व कंग अजिमाया जात्रा जुइ । जात्राया लिपांगु दिं थुपिं द्यःया स्वखतं तिंख्यः व असनय् द्यः ल्वाकेगु चलन दु । ब्वनेकुथिया मस्तय्त लक्षित यानाः ग्वसाः ग्वइगु ज्याझ्वलय् नं प्रतीकात्मक रुपं जात्राया झ्वलय् जुइगु उकथंया सकतां गतिविधि जुइगु ज्याझ्वःया संयोजक राजन शाहीं कनादिल ।

पाहांचः¥हेया झ्वलय् गुलि नं ज्याझ्वः वा गतिविधि जुइगु खः व सकतां गतिविधि प्रतीकात्मक रुपं वा सांकेतिक रुपं जुइगु व ज्याझ्वलय् थीथी ब्वनेकुथिया करिब चय्म्ह विद्यार्थीया सहभागिता दइगु नं ग्वसाः खलकं जानकारी बिउगु दु ।