विगतया बारे मस्तय्त कने

गुगुं इलय् पोर्नस्टारया नामं परिचित सन्नी लियोनी थ्व ख्यःयात त्वःताः बलिउड फिल्म उद्योगय् दुहां वःगु नं यक्व दयेधुंकल । तर वयागु दुर्भाग्य हे धायेमाः कि वयात स्वयेगु दृष्टिकोणय् छुं हिउपाः धाःसा आतक नं वःगु मदुनि । बलिउडय् मेपिं कलाकारतय् गुलि इज्जत दु, मान सम्मान व प्रतिष्ठा दु । सन्नीयात अज्याःगु छुं नं मदु ।

छाय्कि वयात आतक नं पूर्व पोर्नस्टारया रुपय् हे कायेगु यानाच्वंगु दु । थ्व हे झ्वलय् बीबीसीलिसे जूगु छगू अन्तर्वार्ताय् सन्नीयात न्यंगु खःकि ‘छिम्ह कायम्ह्याय्पिं तःधिकः जुल कि थःगु विगतया बारे इमित कनेगु जुइ कि जुइमखु ?’

थ्व न्ह्यसःयात सन्नी सकारात्मक रुपं काःगु दु । अले वं धाःगु दु, ‘अवश्य । जिं इमित जिगु विगत बारे कने हे माः । इपिं आः चीधिकः तिनि । इपिं तःधिकः जुलकि अर्थात थुइके फुपिं जुल कि जिं इमित कनेगु जुइ, थुइकेगु जुइ । तर आःयात जिं थ्व खँ गबलें नं विचाः यानागु मखु ।