भारतीय नेवाःतय्त प्रशिक्षण सुरु
ख्वप- नेपालं थीथी कारणं बिसिउँ वनाः भारतया थीथी प्रान्तय् ब्यापार व्यवसाय यानाः बसोबास यानाच्वंंपिं स्थानीय नेवाः समुदायया विशेष ब्यक्तित्वतय्त ख्वपय् हयाः नेपालभाषा, नेवाः संस्कृति नापं नेवाः बाजं स्यनेगु कक्षा मध्यपुर थिमिइ शनिवाःनिसें सुरु जुल ।
मध्यपुर थिमि नगरपालिकाया मेयर मदनसुन्दर श्रेष्ठं उगु भिंज्याया उलेज्या यानादीगु खः । ज्याझ्वलय् वल्र्ड नेवाः अर्गनाइजेशनया अध्यक्ष सिजन श्रेष्ठ, भाषाविद् ओमकारेश्वर श्रेष्ठ नापं थीथी व्यक्तित्वतय्सं भाषा व संस्कृति प्रशिक्षणया महत्व बारे कुलादीगु खः ।
ज्याझ्वलय् भाषा प्रशिक्षक जुजुमान महर्जन, संस्कृति प्रशिक्षक बालमुकुन्द प्रजापति, स्वयम्भू शाक्य व संस्कृतिया अध्यायत हरिशरण राजोपाध्यायपिंसं प्रशिक्षण बियादीगु ज्याझ्वः दु । वल्र्ड नेवाः अर्गनाइजेशन नेपाल च्याप्टरया उपाध्यक्ष सन्तोष प्रजापतिया सभापतित्वय् जूगु उगु ज्याझ्वलय् डा. पंचनारायण महर्जन व पवित्र बज्राचार्यपिसं नं न्ववानादीगु खः ।
LEAVE YOUR COMMENTS