
येँ – सरकार व डा. गोविन्द केसी दथुया वार्ता असफल जूगु दु । सरकार जिम्मेवारी ढंगं प्रस्तुत मजू धासें डा. केसीया वार्ता पुचलं आः थःपिंसं बियागु सूचीया आधारय् सुधारसहित चिकित्सा शिक्षा विधेयक पास यायेगु प्रतिवद्धता वयेधुंकाः जक वार्ताय् च्वनेगु खँ धाःगु दु । वार्ताया झ्वलय् केसी पक्षं तःगु संशोधनया प्रस्तावय् सरकारी पक्षं ठोस लिसः मबिउगुलिं वार्ता असफल जूगु खँ धाःगु दु ।
डा. केसी व सरकारी दथुइ थ्व वार्ता याकेत पहल यानादीम्ह नेकपा संसदीय दलया उपनेता सुवास नेम्वाङयात वार्ताय् मध्यस्थ–कर्ताया भूमिका नं म्हितेत इनाप याःगु खःसा वय्कलं उकिया संकेत बिया मदीवं वार्ता न्ह्याकेत थाकुगु खँ धाःगु दु । डा. केसीया पुचलं सरकारी पक्ष गैरजिम्मेवार जूगु व विधेयक सम्बन्धी दफागत सहलह याये चाहे मजूगु द्वपं बिउगु दु ।
LEAVE YOUR COMMENTS