६५ दँ दतकि वृद्ध भत्ता

सरकारं आवंनिसें ६५ दँ थ्यनकि हे वृद्ध भत्ता बीगु क्वःछिउगु दु । बुधवाः च्वंगु मन्त्रिपरिषदया बैठकं आवंलि ६५ दँ थ्यनेवं हे वृद्धभत्ता बीगु क्वःछिउगु खः । थ्वयां न्ह्यव ७० दँ दुपिंत जक बृद्ध भत्ता बिया वयाच्वंगु खः ।

अथेहे सरकारं भुखाचं पीडित व खुसिबालं पीडितपिंत थप छगू लाख अनुदान बीगु नं क्वःछिउगु दु । थ्वयां न्ह्यव भुखाचं पीडितपिंत छेँ दनेगु निंतिं स्वंगू लाख तका अनुदान बीगु क्वःछिनातःगु खः ।

मन्त्रिपरिषदया बुधवाः निर्णय कथं आः भुखाचं पीडितपिंत थप छगू लाख तका अनुदान वइगु जूगु दु ।