स्वनिगः

प्यम्हसिनं चौकीइ हे अनशन शुरु यात येँ–गैर न्यायिक सतक विस्तार विरुद्ध म्हिगः माइतीघर मण्डलाय् धर्ना बीगु झ्वलय् प्रहरीं ज्वंपिंत आतकं त्वःतूगु मदुनि । उपत्यकाव्यापी सतक विस्तार पीडित संघर्ष समितिया आह्वानय् म्हिगः माइतीघर मण्डलाय् शान्तिपूर्ण धर्नाय् च्वनाच्वंपिंत प्रहरीं हस्तक्षेप यानाः झिंस्वम्हेसित ज्वंगु खः । ज्वंपिंत म्हिगः न्हापां बानेश्वर प्रहरी चौकीइ यंकूगु खःसा इमित त्वःतकेगु निंतिं कुतः […]

येँ – सतक विस्तार पीडितपाखें जूगु धर्नाया झ्वलय् ज्वंपिंत सार्वजनिक मुद्दा तयेगु तयारी यानाच्वंगु दु । धर्नाया झ्वलय् प्रहरीं झिंप्यम्हेसित ज्वना यंकूगु खः । ज्वनायंकूपिं बानेश्वर प्रहरी परिसरय् तयातःगु दुसा उपिं मध्ये निम्हेसित सार्वजनिक मुद्दा तयेगु खँ प्रहरीं धाःगु दु । ज्वना यंकूपिंत त्वःतकेगु निंतिं झायाच्वनादीम्ह सांसद राजेन्द्र श्रेष्ठं प्रहरीं निम्हेसित सार्वजनिक मुद्दा तयेगु धाःगु, […]

ख्वप – थनया वडा नं. ९ स्थित तःलांतुंथिइ च्वंगु पुलांगु फल्चायात थुनाः न्हूगु दयेकीगु जूगु दु । फल्चा पुनःनिर्माणया निंतिं वडास्तरय् छगू भेला नं जूगु खः । वडा नं. ९ या वडाअध्यक्ष रविन्द्र ज्याख्वःया कुतलय जूगु भेलाय् उपस्थित जुयादीपिं स्थानीयवासीतय्सं थःथःगु विचाःप्वंकादीगु खः । भेलां फल्चा पुनःनिर्माणया निंतिं छगू उपभोक्ता समिति नं गठन याःगु दु । आशकुमार प्रजापतिया अध्यक्षताय् […]

येँ – गैरकानुनी रुपं नेवाःतय् छेँ थुनाः जुयाच्वंगु सतक विस्तारविरुद्ध माइतीघर मण्डलाय् जूगु धर्नाय् ज्वना यंकूपिंत त्वःतकेगु निंतिं लँ बन्द याःपिंत प्रहरीं टियर ग्यास कयेकाः ख्यानाछ्वःगु दु । धर्नाया झ्वलय् प्रहरीं लाठीचार्ज यानाः न्हय्म्हेसित ज्वना यंकूगु खः । धर्ना ज्याझ्वः न्हिनय् १ बजे तक तयातःगु खःसां ज्वना यंकूपिंत १० मिनेट दुने मत्वःतल धाःसा लँ बन्द […]

येँ – सतक विस्तार पीडित संघर्ष समितिया आह्वानय् माइतिघर मण्डलाय् धर्ना बीगु झ्वलय् छझाः धर्नाकर्ता व प्रहरी दथुइ घ्वात्तुघ्वानाः झडप जूगु दु । धर्नाय् द्वलंद्वः मनूत थ्यनेवं माइतिघरया लँ पूवंक बन्द जूगु खः । लँ बन्द जुइवं प्रहरीया वाकिटकिइ धर्नाकर्तातय्त ख्याना छ्वयेत धयाहःगु तायेवं बन्दकर्तातय्सं प्रतिकार याःगु खः । थुबलय् प्रहरीलिसे छझाः घ्वात्तुघ्वानाः झडप जूगु […]

येँ – सडक विस्तार पीडित संघर्ष समितिं थौं सुथय् १० बजे निसें न्हिनसिया १ बजे तक माइतीघर मण्डलाय् धर्ना बीगु जूगु दु । धर्ना ज्याझ्वलय् आपालं नेवाः न्ह्यलुवापिंसं ब्वति काइगु खँ सघर्ष समितिया दुजः जितेन्द्र वज्राचार्यं ‘नेपालभाषा टाइम्स’ यात कनादिल । थौंया थ्व धर्ना ज्याझ्वलय् हाकुगु पट्टी चिनाः विरोध प्वंकेगु तयारी जुयाच्वंगु जानकारी नं भाजु वज्राचार्यं बियादीगु […]