स्वनिगः

येँ -ईयुया चुनावी प्रतिवेदनयात कयाः न्हापा छुं पार्टीया नेतातय्सं जक विरोध याःगु खःसा म्हिगः प्रतिनिधिसभाया बैठकय् नं थुकिया बारे वादविवाद जुल । संसदय् न्ववासें संघीय समाजवादी फोरमया सहअध्यक्ष राजेन्द्र श्रेष्ठं ईयुया प्रतिवेदनयात समर्थन यानादिल । वय्कलं सामाजिक न्याय धइगु उत्पीडित वर्गयात दइगु खः, शोषक वर्गयात दइ मखु धासें ईयुपाखें नेपाःया संविधानया प्रावधानयात याःगु टिप्पणी पाय्छि खः धयादिल । […]

किपू – थनया ऐतिहासिक थाय्या नांया संरक्षण यायेगु निंतिं सचेतना अभियान न्ह्याःगु दु । थनया स्थानीय ल्याय्म्हतय् छगू पुचलं ऐतिहासिक थाय्या नां संरक्षण व सचेतना अभियान न्ह्याकूगु खः । गोपालवंशकालंनिसें मानव वस्तीया अस्तित्व दुगु ऐतिहासिक थाय् जूगु धासें व उकिया क्षेत्रया इतिहासया थीथी कालखण्डय् अस्तित्वय् वयाः आतक नं प्रचलित ऐतिहासिक थाय्या नां कायम जुयाच्वंगु धासें उकिया संरक्षण […]

ख्वप – ख्वपय् आः शनिवाः पतिकं हनुमन्ते सफाई अभियान न्ह्याकीगु जूगु दु । म्हीग थनया बाराही ताँनिसें राममन्दिर तकया लागाय् जूगु हनुमन्ते सफाई अभियान कलाकार धुर्मुसं उलेज्या यानादिल । उगु ज्याझ्वलय् निद्वः मनूतय् सहभागिता दुगु खः । नेपाल प्रहरी, नेपाली सेना व सशस्त्र प्रहरीया सहभागिताय् स्थानीय जनता जानाः उगु सफाई अभियान न्ह्याकूगु खः । उलेज्याया समापन ज्याझ्वलय् अन्तर्राष्ट्रिय धावक […]

थिमि – मध्यपुर थिमि लागाय् मापदण्ड हाचा गायाः दयेकातःगु संरचना थुनेगु ज्या शुरु जूगु दु । वंगु वालंनिसें मध्यपुर थिमि नगरपालिकां उकथंया संरचना थुनेगु ज्या न्ह्याकूगु खः । नगरपालिकां शंखधर साख्वाः चोकंनिसें सूर्यविनायक नगरपालिका स्वाइगु दधिकोट तकया थासय् मापदण्ड अःखः दयेकातःगु संरचना थुनेगु ज्या याःगु खः । न्हियान्हिथं सतकय् ट्राफिक जाम जुइगु नपं लँजुवाःतय्त तकं समस्या जुइगु जुइवं […]

येँ – थनया असं दबुली भिंतुना बसन्त उत्सव न्ह्यानाच्वंगु दु । भिंतुना गुथिया ग्वसालय् न्याक्वःखुसी बसन्त उत्सव जुयाच्वंगु खः । उत्सवय् असं बाजं गुथि पाखें दाफा, अन्नपूर्ण ज्ञानमाला भजन खलःपाखें भजन न्यंकेधुंकूगु दु । ज्याझ्वःया उलेज्या असंत्वाःया थकालि १०४ दँ दुम्ह मोतिकृष्ण  तुलाधरं यानादीगु खः । गुथिपाखें वय्कःयात दोसल्लां न्ययेकाः हनापौ नं देछाःगु खः । अथेहे […]

ख्वप – भक्तपुर अस्पतालय् नं सघन उपचार सेवा (आईसीयु) संचालन जुइगु जूगु दु । वइगु स्वलाया दुने थुगु सेवा शुरु जुइगु जानकारी बिउगु खः । स्वनिगःया हे पुलांगु अस्पताल मध्ये छगू थुगु अस्पताल ११३ दँ न्ह्यः संचालन जूगु खःसा आईसीयु सेवा शुरु यायेगु निंतिं आपालं कुतः जूसां सफल जुइ मफयाच्वंगु खः । जिल्ला समन्वय समितिं अस्पतालया हे सभाहलय् […]