स्वनिगः

येँ(नेपालभाषा टाइम्स)- असं बाजं गुथि ग्वाहालि पुचःया न्याक्वःगु दँमुँज्या वंगु शनिवाः जुल । बाजं खलःयात माःगु इलय् मांकथं ग्वाहालि यायेत नीस्वनातःगु ग्वाहालि पुचःया दँमुँज्या छत्रपाति पार्टी पालेसय् जूगु खः । ग्वाहालि पुचःया नायः तारावीर सिंह तुलाधरया सभाध्यक्षताय् वय्कलं हे लसकुस यासें न्ह्याःगु ज्याझ्वलय् थुगु दँय् मदुपिं जःपिनि लुमन्तिइ छगू मिनेट मौन धारण नं याःगु खः । ज्याझ्वलय् पुचःया […]

येँ(नेपालभाषा टाइम्स)- येँयाःया इलय् थनया गःकुटि न्ह्यःने ब्वइम्ह इन्द्रराज द्यःया द्यःछेँ पुनःनिर्माण क्वचाःगु दु । येँ महानगरपालिकाया उपप्रमुख सुनिता डंगोलं पुनःनिर्माण क्वचाःगु उगु द्यःछेँया उलेज्या यानादीगु खः । छगू करोड स्वयां अप्वः लागतय् येँ महानगरपालिकाया हनुमानध्वाखा दरवार क्षेत्र संरक्षण कार्यक्रमपाखें उगु द्यःछेँ पुनःनिर्माण याःगु खः । द्यःछेँ पुनःनिर्माणया निंतिं थीथी संघसंस्था व व्यक्तिगत रुपं नं ग्वाहालि याःगु इन्द्रराज […]

येँ(नेपालभाषा टाइम्स)- नकःमि समाज सेवा संघ (पुचः)या ग्वसालय् बेकरी तालिम संचालन जूगु दु । वंगु आइतवाःनिसें शुरु जूगु तालिमया समाजया मूछ्याञ्जे सूर्य नकःमिं त्वाःदेवाय् मत च्याकाः यानादीगु खः । थीथी इलय् सीपमूलक तालिम संचालन याना वयाच्वंगु समाजं सुं नं मनू बेरोजगार जुया च्वनेम्वाःलेमा व स्वाबलम्बन जुइ फयेमा धइगु ल्याखं थुकथंया तालिम संचालन यानागु ज्याझ्वलय् जानकारी बिउगु दु । […]

येँ(नेपालभाषा टाइम्स)- श्रीभाष्कारदेव संस्कारित केशचन्द्रकृत पारावत महाविहार इतुंबहालय् वंगु शनिवाः आर्य नामसंगीति स्तोत्र पाठ यायेगु ज्या जुल । थथुुपुइँ आचार्य गुथि संरक्षण समिति अन्तर्गतया नामसंगीति स्तोत्र पाठ उपसमितिया ग्वासलय् उगु ज्याझ्वः जूगु खः । उपसमितिपाखें संल्हूपतिकं थीथी बहालय् न्ह्याका वयाच्वंगु ज्याझ्वःकथं वंगु भदौ १ गते शुक्रवाः इतुंबहालय् स्तोत्र पाठ यायेगु ज्या जूगु खः । उपसमितिया राजु वज्राचार्यया नेतृत्वय् […]

येँ (नेपालभाषा टाइम्स)- थुगुसी नं गुंपुन्हि व सापारु गुकुन्हु हनेगु धइगु खँय् तिथि विवाद जुयाः अन्यौल सिर्जना जूगु दु । पात्रोय् पुन्हि निन्हु क्यनाच्वंगु जुयाः निगू पर्व गबलय् हनेगु धकाः अन्यौल पिहां वःगु खः । ख्वपया तलेजुं वइगु भदौ १३ व १४ गते गुंपुन्हि व सापारु हनेगु धकाः निर्णय याःगु दु । अथे हे येँया जनबहालं भदौ १४ […]

येँ(नेपालभाषा टाइम्स)÷ विश्व फोटोग्राफी दिवसया लसताय् हनुमानध्वाखा लागाय् किपा ब्वज्या जुल । राष्ट्रिय फोटो पत्रकार समूह नेपाल (एनएफपीजे)या ग्वसालय १८४ औं विश्व फोटोग्राफी दिवसया लसताय् उगु किपा ब्वज्या याःगु खः । ‘तस्वीरय् मस्त’ नां बियाः जूगु उगु किपा ब्वज्या मचाअधिकारया निंतिं सक्रिय गैरसरकारी सामाजिक संस्था सिविन नेपालष ग्वाहालिइ जूगु खः । फोटोग्राफी दिवसया लसताय् जूगु किपा ब्वज्याय् मस्तलिसे […]