स्वनिगः

येँ (नेपालभाषा टाइम्स)- गुंला पर्वय् लाः वःगु बहिद्यः ब्वयेगु पर्व थनिंनिसें हनीगु जूगु दु । स्वनिगःया थीथी बहाःबहिलिइ थनिंनिसें बहिद्यः ब्वयेगु ज्या जुइसा सर्वसाधारणं बहिद्यः दर्शन याः वनेगु ज्या याइ । बहिद्यः ब्वइगु थनिंनिसें खःसां इतुम्बहालय् धाःसा वंगु बुधवाःनिसें हे बहिद्यः ब्वये– धुंकूगु दु । अथे हे यलय् नं म्हीगंनिसें हे बहिद्यः ब्वयेधुंकूगु दु । थ्व झ्वलय् वइगु शनिवाः […]

येँ(नेपालभाषा टाइम्स)- थुगुसीया विष्णु–नाती फोटो पत्रकारिता सिरपाः द हिमालयन टाइम्सया फोटो पत्रकार नरेश श्रेष्ठयात लःल्हाःगु दु । वरिष्ठ फोटो पत्रकार नातीकाजी महर्जन व वय्कःया जहान विष्णुदेवी महर्जनया नामं उगु सिरपाः नीस्वनादीगु खः । विष्णु–नाति फोटो पत्रकारिता सिरपाः गुथिया ग्वसालय् आइतवाः जूगु छगू ज्याझ्वःया दथुइ मूपाहां बागमति प्रदेशया संस्कृति, पर्यटन मन्त्री पुकार महर्जनं निगू दशक न्ह्यवंनिसें फोटो पत्रकारिताया […]

येँ(नेपालभाषा टाइम्स)- शाक्य महाविहार संघ पलिस्था जूगु न्हय्दँ फुनाः च्यादँ क्यंगु दु । थ्व लसताय् संघं छगू बःचाधंगु ज्याझ्वः यासें च्यादँ बुन्हि हंगु दु ।येँ देय्या शाक्य कुलपुत्रया वन्द्याभिषेक याइगु बहाःया मंकाः संगठन शाक्य महाविहार संघ च्यादँ क्यंगु लसताय् जूगु ज्याझ्वः संघया नायः शुभकाजी शाक्यया सभापतित्वय् जूगु खः । ज्याझ्वलय् बागमति प्रदेश सांसद शैलेन्द्रमान वज्राचार्य मूपाहांकथं झायादीगु खः । […]

येँ(नेपालभाषा टाइम्स) – गुंला पर्वया इलय् लछियंकं न्ह्याइगु बहाः बही, विहारय् धर्मदेशनाया ज्याझ्वः न्ह्याइगु न्हूगु खँ मखु । गुंलाया हे इलय् लाकाः विद्युतीय संचारमाध्यमपाखें नं थुकथंया विशेष ज्याझ्वः न्ह्याकेगु याना वयाच्वंगु दु । लिपांगु इलय् त्वाः त्वालय् च्वंपिं ज्याथजिथिपिंत लक्षित यानाः नं थुकथंया ज्याझ्वः न्ह्याकेगु याना हयाच्वंगु दु । थ्व हे झ्वलय् थनया क्वःहितिइ नं जातक बाखनय् गुंला […]

येँ (नेपालभाषा टाइम्स)÷येँया कालिमाटी व बल्खु तरकारी बजारय् वाणिज्य विभागं अनुगमन यायेवं तरकारी व्यापारीत भागाभाग जुइक बिसिउँ वंगु दु । भारतं प्याज निर्यातय् ४० प्रतिशत कर लगे यायेवं व्यापारीतय्सं हाकुबजाः याःगु सुचंया आधारय् विभागं तरकारी बजारय् अनुगमन याःगु खः । अनुगमन जुइवं प्याजया तःधंगु होलसेल बजाःया सञ्चालकत पसः त्वःताः बिसिउँ वंगु खः । विभागं बिसिउँ वंपिं प्याज व्यवसायीतय् […]

येँ (नेपालभाषा टाइम्स)- थनया ऐतिहासिक झोछेँ लागाय् नं म्हिगःनिसें पार्किङ बन्द यात । झोछेँ दुवाःनिखें बसन्तपुर तक म्हिगः येँ महानगरपालिकां माइकिङ यानाः पार्किङ बन्द याःगु खः । म्हिगः नगर प्रहरीतय्सं झोछेँनिसें ओमबहाः तक हे पार्किङ बन्द याकेगु धकाः माइकिङ याःगु खःसां आःयात ओमबहाः पाखे धाःसा पार्किङ याये दइगु व्यवस्था याःगु दु । बसन्तपुलिंनिसें झोछेँपाखे नं पर्यटक दुकायेगु योजना […]