नासः भजन खलःया साधारणसभा

येँ(नेपालभाषा टाइम्स)- येँ महानगरपालिका २७ वडा कमलाछिइ च्वंगु नासः भजन खलःया साधारण सभा वंगु शनिवाः जुल । नासः पुजा यासें न्ह्याःगु साधारणसभां भजन खलःया न्हूगु ज्यासना पुचः नं ल्यःगु खः ।

खलःया नायः द्वारिकाप्रसाद श्रेष्ठया सभापतित्वय् आजीवन दुजः रजेन्द्रप्रसाद श्रेष्ठं लसकुस यानादीगु ज्याझ्वलय् रामदेवी महर्जन, दिलचन्द्रानन्द वैद्य, अनिस श्रेष्ठ, कपिलबहादुर महर्जनयात भजन खलःया आजीवन सदस्यता प्रमाण पत्र लःल्हाःगु खः ।

साधारणसभां भजन खलःया न्हूगु ज्यासना पुचः नं ल्यःगु खः । वइगु स्वदँया कार्यकालया निंतिं ल्यःगु न्हूगु ज्यासना पुचलय् द्वारिकाप्रसाद श्रेष्ठ नायः, राधाकृष्ण नकःमि छ्याञ्जे, प्रदीपकुमार जोन्छे दांभरिं व दिलचन्द्रानन्द वैद्य, डा. दीपक श्रेष्ठ, भैरवकाजी श्रेष्ठ, देवनारायण महर्जन, सर्वज्ञरत्न तुलाधर, बुद्धरत्न महर्जनयात दुजलय् सर्वसम्मतं ल्यःगु खः । ज्याझ्वलय् उपस्थित सकसिनं नासः द्यःया प्रसाद नं ग्रहण याकूगु खः ।