स्वनिगः

येँ(नेपालभाषा टाइम्स)- येँ महानगरपालिका २८ वडाय् ज्याथः जिथिपिंत छगू ज्याझ्वःया दथुइ हनेज्या याःगु दु । २८ वडाया ग्वसालय् उगु ज्याझ्वः जूगु खः । २८ वडाअध्यक्ष भाइराम खड्गीया सभापतित्वय् जूगु ज्याझ्वलय् मूपाहां येँ महानगरपालिकाया उपप्रमुख सुनिता डंगोल ज्याथःजिथिपिंत दोसल्ला न्ययेकाः हनापौ देछासे हनेज्या यानादीगु खः । मुक्कं १७५ म्हेसित हनेज्या याःगु ज्याझ्वलय् जनप्रतिनिधि नीना खड्गी, अरुण तण्डुकार, वीरेन्द्र महर्जन, […]

येँ(नेपालभाषा टाइम्स)-थनया श्रीघःस्थित श्रीशान्तिघट चैत्य महाविहार संरक्षण समितिया च्याक्वःगु वार्षिक साधारणसभा वंगु शनिवाः जुल । श्रीघःया शाक्य सर्वसंघया महाविहारया साधारणसभां न्हूगु ज्यासना पुचःया नं ल्यज्या याःगु खः । समितिया नायः शुभकाजी शाक्यया सभापतित्वय् जूगु साधारण सभाय् येँ महानगरपालिका सम्पदा तथा पर्यटन विभाग प्रमुख अर्चना श्रेष्ठ शाक्य मूपाहांकथं झायादीगु खः । ज्याझ्वलय् समितिया छ्याञ्जे पुरण शाक्यं वार्षिक प्रगति विवरण […]

येँ (नेपालभाषा टाइम्स)- सूर्य विनायक–रत्नपार्क ‘द्रुत बस सेवा’ सञ्चालनया नितिं सतकय् ‘डेडिकेटेड लेन’ दयेकेगु ज्या न्ह्याःगु दु । सतक डिभिजन कार्यालयं द्रुत बस सेवा सञ्चालनया नितिं ‘रेडमार्क’ दयेकेगु ज्या न्ह्याकूगु खः । भौतिक पूर्वाधार तथा यातायात मन्त्री प्रकाश ज्वालां वंगु असोज ३ गते द्रुत बस सेवा न्ह्याकेत निर्देशन बियादीगु खःसा वहे कथं आः थुकिया ज्या न्ह्याकूगु खः । […]

येँ(नेपालभाषा टाइम्स)÷अखिल नेपाल महिला संघ २४ वडापाखें २०७९ सालया एसइइ व प्लस टु उत्तीर्ण वडा दुनेया ब्वँमिपिंत हनेज्या याःगु दु । वंगु शनिवाः २४ वडाया अतलखुबहिलिइ छगू ज्याझ्वः यासें हनेज्या याःगु खः । अखिल नेपाल महिला संघ येँ महानगर २४ वडा समितिया नायः श्रीजना शाक्यया सभापतित्वय् जूगु ज्याझ्वलय् मूपाहांकथं नेकपा (एमाले) येँ जिल्ला सचिवलिसें बागमति प्रदेशया पुलांम्ह […]

येँ(नेपालभाषा टाइम्स)- नेपालभाषाया म्येँ ‘स्वां छफ्वः’या म्युजिक भिडियो पिदंगु दु । वंगु छुं दिं न्ह्यः जूगु छगू ज्याझ्वलय् पुलांम्ह राज्यमन्त्री रामवीर मानन्धरं उगु म्युजिक भिडियो पितब्वज्या यानादीगु खः । म्युजिक भिडियोया परिकल्पनाकारलिसें निर्देशक सुरेन्द्र मानन्धरं लसकुस यानादीगु ज्याझ्वलय् म्येँ च्वमि ओमशंकर श्रेष्ठ, म्येँ हालामिलिसें लय्चिनामि प्रविणचन्द्र वज्राचार्य, एरेन्जर दीपेश सिंह, छाँयाकार बालकुमार मगर, सिने पत्रकार विजयरत्न असंबरे, […]

येँ(नेपालभाषा टाइम्स)-येँ महानगरपालिका १३ वडाया पुलांम्ह जनपक्षीय वडा अध्यक्ष लिसें समाजसेवी व राजनीतिक न्ह्यलुवा जीवनराज मानन्धर मदुगु २५ दँ क्यंगु झ्वलय् शनिवाः श्रद्धाञ्जलि ज्याझ्वः जुल । कालिमाटीया तख्तीइ च्वंगु वय्कःया झ्वाताय् स्वां देछासें उगु सभा जूगु खः । ज्याझ्वलय् सांसदपिं सुमिना श्रेष्ठ, शैलेन्द्र वज्राचार्य, मदुम्ह जीवनराजया काय् अभियन्ता सुमन साय्मि लिसें वडाया आपालं अभियन्ता व भाषिक कार्यकर्तातय् […]