ख्वपय् तःजिक पंजरां न्यायेकल

ख्वप(नेपालभाषा टाइम्स)÷ गुंलागा चः¥हे, जुगःचः¥हेकुन्हु थन तःजिक पंजरां न्यायेकल । नेवाः बौद्ध धर्मावलम्बितय् तःजिगु पंजरांया लसताय् थीथी विहारया न्याम्ह दिपंकर तथागत बुद्धयात बिज्याकाः पंजरां न्यायेकूगु खः ।

पंजरांया झ्वलय् थनया प्रसन्नशील महाविहार, झौरबही महाविहार, चतुर्बम्ह महाविहार, थथुबही महाविहार व कुथुबही महाविहारया दिपंकर द्यःपिं सुर्यमधि त्वालय् च्वंगु दबुलिइ बिज्याकूगु खः । थन स्थानीयलिसें थीथी गुथिपाखें पुजा यासें न्याम्हं दिपंकर द्यःपिंत नगर परिक्रमा याकूगु खः ।

थ्वकुन्हु सुथंनिसें पंजरां बीगु चलनकथं वज्राचार्य गुरुजु, शाक्य भिक्षु, बुद्धाचार्यपिं भिक्षादान यायेकथं पंजरा बिउगु खः । पंचदान नं धाइगु पंजरांबलय् जमिनय् सइगु वा, कःनि, मुस्या, तुसि, भुति आदि थीथी ज्वलंलिसें मुलु सुका नं दान यायेगु चलन दु । बौद्ध धर्मय् दानया तःधंगु महत्व दुसा पंचदान, सम्यक महादान, संघ दान आदियात विशेष महत्व बिया वयाच्वंगु दु ।

सम्बन्धित बुखँ

LEAVE YOUR COMMENTS