स्वनिगः

येँ – युवा बौद्ध समूहया ग्वसालय् ‘सुखी पारिवारिक जीवनया निंतिं बुद्ध शिक्षा’ विषयय् जूगु च्वखँ कासाय् विजयी जूपिंत वंगु शनिवाः जूगु छगू ज्याझ्वःया दथुइ सिरपाः लःल्हायेगु ज्या जुल । ज्याझ्वःया मूपाहां अखिल नेपाल भिक्षु महासंघया महासचिव भिक्षु कोण्डन्यं च्वखँ कासाय् सिरपाः लःल्हाना बिज्याःगु खः । कासाय् दीना कंसाकार न्हाप, ललिता धाख्वा लिउ, सुषमा वज्राचार्य लियांलिउ जुयादीगु खःसा […]

यल –  लोक साहित्य परिषद्पाखें लोक साहित्यविद् मदुम्ह करुणाकर वैद्यया लुमन्तिइ नीस्वनातःगु करुणाकर सिरपाः लोक साहित्यया अध्यता भाजु मदनसेन वज्राचार्ययात लःल्हात । परिषद्या नायः प्रा. प्रेमशान्ति तुलाधरया सभापतित्वय् जूगु ज्याझ्वलय् मूपाहांलिसें परिषद्या संरक्षक वाङ्मय शताब्दी पुरुष सत्यमोहन जोशीं उगु सिरपाः लःल्हानादीगु खः । मूपाहां जोशीं सम्मानित व्यक्तित्व वज्राचार्ययात हनापौ लःल्हानादीगु खःसा दिवाकर वैद्यं पुरस्कार वापतया स्वीद्वः तका […]

येँ – देव कर्नर सेवा समितिं पुस १ गते आइतवाः निसें हरेक आइतवाः येँया भूगोलपार्क न्हूसतकय् हिदान ज्याझ्वः सुरु याःगु दु । हरेक आइतवाः सुथय् ११ बजे निसें ४ बजे तक हिदान जुइ । समितिया नायः देवसुन्दर शाक्यं ब्लड बैंकय् हिया अभाव जुयाच्वनीगुलिं हि संकलन यायेत थुगु ज्याझ्वः यानागु खँ धयादिसें हिदातातय्त थःपिनिगु अभियानय् साथ बियाः हिदान […]

येँ – मध्यपुर थिमि लागाय् छगू दशक लिपा ख्वपया धार्मिक व सांस्कृतिक नवदुर्गा प्याखं क्यनीगु जूगु दु । वंगु झिदँ न्ह्यःनिसें ख्वपया नवदुर्गा प्याखं क्यनेगु बन्द जुयाच्वंगु थिमिइ थुगुसी निर्वाचित जनप्रतिनिधिया कुतलय् उगु प्याखं क्यनेत्यंगु खः । मध्यपुर थिमि नगरपालिकाया प्रमुख मदनसुन्दर श्रेष्ठ व वडा नं. ४या वडाअध्यक्ष कुमार श्रेष्ठया विशेष पहलय् थुगुसीनिसें हाकनं नवदुर्गा प्याखं क्यनेत्यंगु […]

येँ –  संसदया राज्य व्यवस्था तथा सुशासन समितिं खोना व बुंगया जनतायात मुआब्जा अप्वयेकेत व स्थानीय जनताया माग सम्बोधन यायेगु लागिं सरकारयात निर्देशन बिउगु दु । समितिया शुक्रवाः च्वंगु बैठकं सरकारयात उगु निर्देशन बिउगु खः । निर्देशन बीगु झ्वलय् समितिं खोनाया बासिन्दायात क्वःछिनातःगु मुआब्जा ध्यबा म्हो जूगुलिं उकियात अप्वयेकेत व सांस्कृतिक, ऐतिहासिक व पुरातात्विक महत्वया सम्पदा स्यंके […]

यल –  यल महानगरपालिकां नगर लागाया सवारी साधनया चाप अप्वइगु थासय् आकाशे ताँ तइगु जूगु दु । उकिया निंतिं यल मनपां नगर दुनेया सवारी चाप अप्वःगु थासय् आकाशे ताँ तयेगु निंतिं छगू सम्भाव्यता अध्ययन यायेत्यंगु दु । मनपाया प्रमुख चिरिबाबु महर्जनया कथं सम्भाव्यता अध्ययनया निंतिं बोलपत्र आह्वान याःगु इलय् गुंगू टेण्डर दुहां वःगु दुसा आः गन गन […]