स्वनिगः

स्थानीय नेवाःतय्सं सी उइत नं प्रहरी पाः तयेमाःगु अवस्था येँ – येँया चाबहीस्थित ओम अस्पताल लिउने च्वंगु दीपय् सी उइगु ज्याय् हाकनं पिनें वयाः अन च्वनाच्वंपिं वासिन्दातय्सं पंगः थंगु दु । परम्परांनिसें सी उया वयाच्वंगु उगु दीपया लिक्कसं छेँय् दयेकाच्वंपिं स्थानीय वासिन्दां अन सी उइगु ज्या याके मखु धकाः विरोध याःगु खः । स्थानीय वासिन्दाया […]

येँ – येँया पुलांगु बस पार्कया थासय् तजाःगु भ्यू टावर दयेकेगु धकाः शुरु जूगु निर्माणया ज्या येँ मनपाया लागिं कपाः स्याःगु विषय जूगु दु । उगु भ्यू टावर दयेकेगु लागिं ठेकेदारं ज्या जिम्मा काःसां नं निर्माण ज्या धाःसा बांलाक मन्ह्याकूगु कारणं यानाः उगु निर्माण हे बन्द याये माःगु बिचाः मनपाय् छथ्वःसिनं तयाच्वंगु दुसां मेगु छथ्वः […]

येँ – द्यगुरु निष्ठानन्द वज्राचार्यया १६२ दँ बुन्हि न्यायेकीगु जूगु दु । कन्हय् मंगलवाः सुथय् थनया ओमबहाः नःबहिली वय्कःया झ्वाताय् स्वांमाः क्वखायेकेगु व नुगःखँ तयेगु ज्याझ्वः ग्वसाः खलः निष्ठानन्द स्मृति गुथि व ओलम्पस क्लबं दयेकूगु दु ।

ख्वप- ख्वपया जुद्ध वारुण यन्त्र (दमकल) चालक–विहीन जूगु दु । दमकलया प्यम्ह चालकं छक्वलं ज्या त्वःतेवं ख्वपया दमकल चालकविहीन जू वंगु खः । चछिन्हिछिं ड्युटीइ खटे जुयाच्वनेमाःपिं दमकल चालक राजकुमार श्रेष्ठ, राजकुमार गिरी, विकास वनमाला व राज कपालीं ज्याकू त्वःता वनेवं ख्वपया दमकल चालकविहीन जूगु खः । स्यंगु दमकल मर्मत यानागु वापतया ध्यबा बीत माग […]

ख्वप – नेपाल राष्ट्रिय ज्ञानमाला समितिया ख्वप जिल्ला क्षेत्रीय उपसमिति नीस्वंगु दु । समितिया ग्वसालय् दिपंकर ज्ञानमाला भजन खलः क्वाठण्डौंया व्यवस्थापनय् बौद्ध समकृत विहार कुथुबही जूगु ज्याझ्वलय् ख्वप क्षेत्रीय उपसमिति नीस्वंगु खः । दिपंकर ज्ञानमाला भजन खलःया लिउनायः पुण्यत्न शाक्यया सभापतित्वय् समितिया सल्लाहकार बौद्ध विद्वान प्रा. सुवर्ण शाक्यया प्रमुख आतिथ्यताय् जूगु ख्वप क्षेत्रीय उपसमिति गठन ज्याझ्वलय् छ्यांजे […]

ख्वप – येँ महानगरपालिका थनया कमलपोखरीइ च्वंगु पुखू निर्माणया जिम्मा स्थानीयवासीयात बीत तयार जूगु दु । कमलपुखू निर्माण नापं उकिया व्यवस्थापन व संरक्षणया जिम्मा स्थानीयवासीं काइगु जुल धाःसा उकिया जिम्मेवारी बीत थःपिं तयार दुगु मनपां न्ह्यथंगु दु । येँ मनपाया प्रमुख विद्यासुन्दर शाक्यं पुखू निर्माणया जिम्मा स्थानीय कायेगु खःसा बीत मनपा तयार दुगु खँ धयादीगु खः । मनपाया […]