स्वनिगः

येँ – चोभारय् दयेकेत्यंगु सुख्खा बन्दरगाहपाखें पीडित स्थानीय वासिन्दायात छुं गुनासो दुसा न्हय्न्हुया दुने पेश यायेत सरकारं ई बिउगु दु । तर चोभार संरक्षण समितिं धाःसा थुकियात सरकारं यानाच्वंगु षडयन्त्र धासें उकिया विरोध याःगु दु । संघर्ष समितिया संयोजक पञ्चलाल महर्जनं ‘नेपालभाषा टाइम्स’ लिसें खँ ल्हासें सरकारं षडयन्त्र यानाच्वंगु दुसा उकिया विरुद्ध थःपिंसं चरणवद्ध आन्दोलन यानाच्वनागु खँ […]

येँ –  जगतसुन्दर ब्वनेकुथिया ग्वसालय् अन्तर विद्यालय स्तरीय नेपाल लिपि च्वज्या धेंधेंबल्लाः कासा जुल । वंगु शुक्रवाः जूगु कासाय् थीथी झिंछगू ब्वनेकुथिया पीप्यम्ह ब्वनामिपिंसं ब्वति काःगु खः । कासाय् सृजना वि.क. (कन्या मन्दिर) न्हाप, अमृता सिंह (हिमालय मा.वि.) लिउ व ऐश्वर्या सोनाम (जगतसुन्दर) लियांलिउ लाःगु खः । ज्याझ्वलय् मूपाहां अनिल अमात्य विशेष कारणं उपस्थित जुयादी मफयेवं वयकःया प्रतिनिधित्व […]

येँ – तोखा नगरपालिकाय् पुनःनिर्माणया ज्या सुस्त गतिं जक न्ह्याः वनाच्वंगु दु । भुखाय् ब्वःगु स्वदँ फुइ त्ययेकाः नं थनया निजी आवास पुनःनिर्माणं खास हे गति काये फयाच्वंगु मदु । तोखाय् आतकया दुने २१ प्रतिशत जक पुनःनिर्माणया ज्या जूगु सीदुगु दु । तोखा नगरपालिकाया उपप्रमुख ज्ञानमाया डंगोलया कथं नगर दुनेया बस्तीइ म्हो क्षेत्रफल दुगु, बहुस्वामित्व व आपालं पुलांगु […]

ख्वप –  महानगरीय प्रहरी परिसर ख्वपं थीथी कथंया आपराधिक क्रियाकलापय् संलग्न जूपिंत ज्वनाः इमित सार्वजनिक याःगु दु । परिसरं वंगु आइतवाः छगू पत्रकार सम्मेलन यासें अभियुक्त नापं इपिंलिसें बरामद याःगु थीथी सामग्री नं सार्वजनिक याःगु खः । परिसरं पत्रकार सम्मेलन यानाः खुया हःगु सिँ व सिँ ज्वनाः वयाच्वंगु बा ४ ख ३५३९ नं.या निशान ट्रकलिसें खुँज्याय् संलग्न […]

ख्वप –  वातावरण संरक्षण मंचया ग्वसालय् जनचेतनामूलक साइकल ¥याली जुुल । ‘प्रदूषण न्यूनीकरण यायेनु, स्वच्छ वातावरण अप्वयेकेनु’ धइगु नारा बियाः उगु साइकल ¥याली जूगु खः । ख्वप नगरपालिका वडा नं. १ सल्लाघारीं शुरु जूगु साइकल ¥याली ब्यासी, झौख्यः, दुवाकोट, मध्यपुर थिमिया निकोसेरा, थिमिया हे बहाखा बजाः, मध्यपुर थिमि चोक, दघिकोट, गाम्चा, ख्वप नगरपालिका, ख्वप लाय्कू जुयाः सल्लाघारीइ […]

यल – सः छगू फरक अभिव्यक्तिया ग्वसालय् नेपालभाषाया नांजाःम्ह आख्यानकार मथुरा साय्मिया याकः बाखं वाचन ज्याझ्वः जुल । संस्थाया ग्वसालय् जूगु थ्व स्वंगूगु संस्करणया साहित्यिक ज्याझ्वः खः । इखालखुस्थित दबू नेवाः नसा छेँय् जूगु ज्याझ्वलय् आख्यानकार साय्मिं थःगु थीथी सन्दर्भ व परिस्थितियात कयाः च्वयादीगु बाखं ब्वनाः न्यंकादीगु खः । वय्कलं सरकारं विकासया नामय् विनाश यायेकथं स्वनिगःया स्थानीय व […]