स्वनिगः

येँ -म्हिगः अन्तर्राष्ट्रिय मांभाय् दिवसया लसताय् थनया प्रदिप्त पुस्तकालयय् साहित्यिक व सांगीतिक ज्याझ्वः जुल । कामपा १५ वडाया अध्यक्ष निलकाजी शाक्य मूपाहां कथं झाःगु उगु ज्याझ्वः भाषासेवी पवित्र कसाः लिसें पासापिनि सक्रियताय् जूगु खः । ज्याझ्वलय् जनकवि दुर्गालाल श्रेष्ठ, मथुरा साय्मि, लोककवि राजभाइ जकःमि, शशिकला मानन्धर आदि आपालं न्हूपिं पुलांपिं साहित्यकारपिंसं थःपिनि रचना पाठ यानादीगु खःसा जुजुकाजी […]

यल – यल महानगरपालिकां वाङ्मय शताब्दी पुरुष सत्यमोहन जोशी १०० दँ क्यंगु लसताय् शताब्दी जन्मोत्सव ज्याझ्वः दछियंकं थीथी ज्याझ्वः यासें हनीगु जूगु दु । यल मनपापाखें छगू पत्रकार सम्मेलन यासें शताब्दी पुरुष जोशीया सछिदँया लसताय् दछियंकं थीथी ज्याझ्वः यासें हनेगु जानकारी बिउगु खः । यल मनपां बुधवाः याःग पत्रकार सम्मेलनय् शताब्दी पुरुष जोशीया शताब्दी जन्मोत्सवया लसताय् वइगु […]

ख्वप –  नेपाल पत्रकार महासंघ ख्वप शाखाया ग्वसालय् प्राविधिक शिक्षा विषययात कयाः छगू अन्तक्र्रिया ज्याझ्वः जुल । प्राविधिक शिक्षा तथा व्यावसायिक तालिम परिषद् (सिटिइभिटी)या ग्वाहालिइ ‘प्राविधिक शिक्षा तथा व्यावसायिक तालिमया विकास व विस्तारय् संचारकःमितय् भूमिका’ विषयय् उगु अन्तक्र्रिया ज्याझ्वः जूगु खः । ज्याझ्वलय् सिटिइभिटीया तालिम संयोजक प्रमोदभक्त आचार्यं अर्ध दक्ष प्राविधिक तयार यानाः देश–विदेशय लखौं जनशक्ति तयार […]

येँ –  येँ महानगरपालिकां आः महानगर दुनेया विवरण बुझे मयाःगु सहकारी संस्थायात कारवाही याइगु जूगु दु । येँ मनपां साधारणसभा यानाः उकिया विवरण बुझे मयाइगु सहकारीयात कारवाही यायेगु प्रक्रिया न्ह्याकेत्यंगु खः । साधारणसभा यानाः नं उकिया विवरण थःथाय् बुझे मयाःगु सहकारीया अनुगमन यानाः कारवाही यायेगु निंतिं प्रक्रिया न्ह्याकेत्यनागु येँ मनपां सहकारी विभागया प्रमुख नमराज ढकालं कनादीगु दु । […]

यल –  यल महानगरपालिकां अप्वया वनाच्वंगु ट्राफिक व्यवस्थापनया निंतिं समिति गठन याःगु दु । यल महानगरपालिकाय् च्वंगु बैठकं समिति गठन यायेगु निर्णय याःगु खः ।समुदाय प्रहरी साझेदारी ज्याझ्वः अन्तर्गत महानगरपालिकाय् च्वंगु बैठकं यल महानगरपालिका लागाया ट्राफिक व्यवस्थापन, सतक मस्त व मिसातयगु समस्या समाधानलिसें लागू वासः व अपराध न्यूनीकरण यायेगु ल्याखं उकथंया समिति गठन याःगु खः । थीथी विषयय् […]

येँ – येँया थँबहिली दयेकूगु छायाँदेवी कम्प्लेक्सपाखें म्हिगः याःगु पत्रकार सम्मेलनय् हे दुहां वनाः स्थानीय जनतां विरोध याःगु दु । अन च्वंगु पलेस्वां पुखू म्हासे यानाः कम्प्लेक्स दयेकूगु धासें पत्रकार सम्मेलनय् हे विरोध प्वंकूगु खः । पत्रकार सम्मेलनय् न्ववासें छायाँदेवी सेन्टरया प्रबन्ध निर्देशक महेश्वर श्रेष्ठं खुदँ न्ह्यवंनिसें थःपिंसं सेन्टर दयेकाच्वनागु धासें अबलय् स्थानीय वासिन्दा छु स्वयाच्वन व […]