आपराधिक क्रियाकलापय् संलग्न जूपिं सामग्रीलिसें सार्वजनिक

ख्वप –  महानगरीय प्रहरी परिसर ख्वपं थीथी कथंया आपराधिक क्रियाकलापय् संलग्न जूपिंत ज्वनाः इमित सार्वजनिक याःगु दु । परिसरं वंगु आइतवाः छगू पत्रकार सम्मेलन यासें अभियुक्त नापं इपिंलिसें बरामद याःगु थीथी सामग्री नं सार्वजनिक याःगु खः । परिसरं पत्रकार सम्मेलन यानाः खुया हःगु सिँ व सिँ ज्वनाः वयाच्वंगु बा ४ ख ३५३९ नं.या निशान ट्रकलिसें खुँज्याय् संलग्न मनू व खुया हःगु सिँ न्याना काःम्ह व्यापारीयात नं ज्वनाः सार्वजनिक याःगु खः ।

परिसरया प्रहरी उपरीक्षक हिमालयकुमार श्रेष्ठं थीथी सिँ उद्योगं खुया हःगु ४४ गः चानातःगु सिँलिसें इमित च्याम्हासिंहं ज्वनागु जानकारी बिउगु दु । थुकथंया स्कुटरय् च्वनाः वंगु २९ गते छन्हुं हे सुथय्, न्हिनय् व बहनि याना लँय् वनाच्वंम्ह मिसा ब्याग लुटे याःगु द्वपनय् छम्हेसित ज्वनागु नं वय्कलं कनादिल ।

घटनाय् संलग्न मध्ये छम्हेसित ज्वनागु व मेपिं निम्हेसित धाःसा मालाच्वनागु नापं घटनायात कयाः अनुसन्धान यानाच्वनागु नं वय्कलं धयादिल ।थ्व हे झ्वलय् येँय् दुहां वयेगु प्रमुख नाका थानकोटस्थित नागढुंगाय् सवारी साधनया प्रदूषण जाँच यायेगु झ्वलय् २७ गः सवारी साधनया प्रदूषण फेल जूगु खँ सीदुगु दु ।

यातायात व्यवस्था विभाग, सडक विभाग, प्रहरी अस्पताल व ट्राफिक प्रहरीया पुचलं बस, ट्रक, माइक्रोबस व टिपर लगायतया सवारी साधनया प्रदूषण जाँच फेल जूगु ट्राफिक प्रहरीं जानकारी बिउगु दु ।

सम्बन्धित बुखँ

LEAVE YOUR COMMENTS