स्वनिगः

येँ – बालाजुइ सतक विस्तार यायेत स्थानीयतय् छेँ थुनाः खाली यानातःगु जग्गाय् जस्तां घेरे याःगु तछ्याना बिउबलय् न्याम्हेसित ज्वना यंकूगु दु । थःपिनिगु जग्गाय् घेरे यानातःगु जस्ता तछ्यानाः लिकयाबिउबलय् जग्गा थुवाःत महेश्वर मानन्धर, मनोज श्रेष्ठ, रुचित श्रेष्ठ, भीमदेव श्रेष्ठ व मीन शाहीयात ज्वनायंकूगु खः । उमित आः महानगरी प्रहरी परिसर बालाजुइ तयातःगु दु । बालाजु […]

येँ- वाङ्गमय शताब्दी पुरुष सत्यमोहन जोशीया १५ घौ ताःहाकःगु अन्तर्वाता दुगु भिजुवल आर्काइभ व वृत्तचित्र ‘म्वानाच्वंगु इतिहास वाङ्गमय शताब्दी पुरुष डा. सत्यमोहन जोशी’ या न्हापांगु क्यनेज्या मंगलवाः जुल । थ्यंमथ्यं स्वदँ न्ह्यः निर्माण ज्या न्ह्याःगु थ्व वृत्तचित्र वाङ्गमय शताब्दी पुरुष जोशीयालिसें यल महानगरपालिकाया मेयर चिरिबाबु महर्जन, दातापिं व मेमेपिनिगु उपस्थितिइ सातोआकी भवनय् न्हापांगु क्यनेज्या जूगु […]

येँ- वतु त्वाः सनाः गुथि खलःया नीनिक्वःगु तःमुँज्या वंगु शनिवाः जुल । गुथिया न्हुछेनारायण मानन्धरया सभापतित्वय् न्ह्याःगु तःमुँज्यां वय्कःया त्वाःया न्हूम्ह कजि कथं नं ल्यःगु खः । सहसचिव अमृत मानन्धरं लसकुस यानादीगु ज्याझ्वलय् सचिव दीपक मानन्धरं त्वाःया प्रगति विवरण न्ह्यब्वयादीगु खः । ज्याझ्वलय् गुथिया पुलांम्ह कजि यमदास साय्मि, सचिव प्रकाश मानन्धर, विजयकुमार मानन्धरं थःथःगु नुगःखँ तयादीगु खः । तःमुँज्यां […]

सक्व- थन न्ह्यानाच्वंगु श्री माधवनारायण मेलाया झ्वलय् आतकया दुने पीगू लख तका दां संकलन जूगु दु । श्री माधवनारायण स्वस्थानी व्रत तथा शालीनादी सुधार समितिं बिउगु जानकारीकथं मेलाय् वःपिं भक्तजनपाखें वंगु वाःतकया दुने पीगू लख दां आर्थिक संकलन जूगु जानकारी बिउगु खः । कोरोना संक्रमणया कारणं ब्वनाच्वंगु असहज परिस्थितिया कारणं थुगुसी थन न्यय्म्हेसित जक श्री माधवनारायण धलं […]

यल – यल महानगरपालिकां यल ध्वाखा पिने च्वंगु बसपार्क चीकूगु दु । बस पार्क चीकेधुंकाः उगु थासय् आः बसस्टप जक जुइगु खँ धाःगु दु । आः अन यात्रुयात बस गयेगु व कुहां वयेगु निंतिं जक बस दिकीगु खँ यल महानगरपालिकाया नगर प्रहरी प्रमुख सिताराम हाछेथुं धयादीगु दु । यल मनपाया प्रमुख चिरीबाबु महर्जनं नगर क्षेत्र दुने सतक दुर्घटना […]

किपू – किपू नगरपालिकाया ग्वाहालिइ सन्ध्या टाइम्स पिथना प्रा.लि.या ग्वसालय् जूगु न्हय्न्हुयंकंया आधारभूत पत्रकारिता तालिम शनिवाः क्वचाल । तालिमय् सहभागीपिंत दसिपौ लःल्हानादिसें किपू नगरपालिकाया मेयर रमेश महर्जनं ब्वति काःपिंसं थःपिंसं सयेकागु सिइकागुया सदुपयोग यानाः समाचार÷लेख प्रकासन यानावं वन धाःसा नगरपालिकापाखें थप प्रशिक्षणया व्यवस्था मिले यायेगु खँ धयादिल । किपू नगरपालिकापाखें भौतिक निर्माणया ज्या लिसें नगरवासीपिनि […]