स्वनिगः

येँ- येँ महानगरपालिकाया प्रमुख विद्यासुन्दर शाक्यं कमलपुखूया पुनःनिर्माणय् जुयाच्वंगु ज्याया प्रगतियात कयाः असन्तुष्टि प्वंकादीगु दु । पुनःनिर्माणया ज्याया प्रगति असन्तुष्टि प्वंकादीम्ह येँ महानगर प्रमुख शाक्यं याकनं ज्या सिधयेकेत ठेकेदारयात निर्देशन नं बियादीगु दु । येँ महानगर प्रमुख शाक्यं पुनःनिर्माणया ज्या न्ह्यानाच्वंगु कमलपुखूया स्थलगत निरीक्षण यानादीगु खः । निरीक्षण इलय् पुनःनिर्माणया ज्या इलय् सम्पन्न मजूगु खँय् असन्तुष्टि प्वंकादिसें वय्कलं […]

येँ -थनया धराहरा नापसं निजी जग्गाय् तथाकथित मस्जिद दयेकाः च्वनाच्वंपिं मुस्मांतय्सं थनाहःपिं उगु हे जग्गा आश्रित जुयाच्वंपिं खड्गी परिवार व परियार परिवारं म्हिगः हाकनं अन च्वं वनेगु कुतः याःबलय् विवाद जूगु दु । मुस्मांतय्सं थ्व थासय् न्हापांनिसें मस्जिद दुगु धासें उगु थासय् च्वनाच्वंपिं छथ्वः खड्गी परिवार व छथ्वः परियार परिवारयात थनाहःगु खः । तर थ्व थाय् धाःसा […]

किपू – इन्द्रेणी सांस्कृतिक समाज (इसास)या ग्वसालय् वंगु शनिवाः जूगु छगू ज्याझ्वःया दथुइ ‘करुणां भय् बिउगु’ नांया म्येँचाःया म्युजिक भिडियो पिदंगु दु । किपूया नांजाःम्ह जनपक्षीय म्येँ हालामि मीनाकुमारी महर्जनया सलय् दुथ्यानाच्वंगु म्येँचाःया म्युजिक भिडियो पिथंगु खः । इसासया नायः वीरप्रसाद भंसारीया सभापतित्वय् जूगु ज्याझ्वलय् मूपाहांकथं झायादीम्ह किपू नगरपालिकाया प्रमुख रमेश महर्जनं म्युजिक भिडियो सार्वजनिक यानादीगु खः । […]

येँ- काठमाडौं सुनचाँदी व्यवसायी संघया ग्वसालय् वंगु शनिवाः ‘शान्ति सुरक्षा व ऐन कानून’ सम्बन्धी छगू अन्तक्र्रिया ज्याझ्वः जुल । संघया ग्वसालय् लुँवहः व्यवसाय, व्वसायीतय्सं फयेमाःगु कानूनी झन्झट, चोरीजन्य समस्या लगायतया विषययात कयाः नेपाल प्रहरीलिसे उगु अन्तक्र्रिया ज्याझ्वः जूगु खः । सरकारं थनिं स्वदँ न्ह्यः हःगु मुलुकी देवानी संहिताय् लुँवह व्यवसायीतय्गु समस्या समाधान यायेकथं कानूनी व्यवस्था यानातःगु खःसां […]

येँ -येँ महानगरपालिकां छवाःया दुने हे खुल्लामञ्या बसपार्क खाली याइगु जूगु दु । ताः ई तक खुल्ला मञ्च अतिक्रमण यानाः बसपार्क तयाच्वंगुलिं आलोचना जुइवं येँ महानगरपालिकां थनया बसपार्क चिइकेत्यंगु खः । येँ महानगरपालिकाया प्रवक्ता ईश्वरमान डंगोलया कथं पुलांगु बसपार्कय् दयेकाच्वंगु काठमाडौं टावरया पार्किङस्थल दयेकेगु ज्या क्वचाःगुलिं बसपार्क अनं चीकेगु तयारी जुयाच्वंगु खँ धयादीगु दु । […]

येँ -पाहांचःह्रेबलय् येँय् जुइगु थीथी द्यःया खः जात्रा नियमित कथं जुइगु जूगु दु । पाहांचःह्रेबलय् जात्राया झ्वलय् असनय् द्यः ल्वाकीगु लुमधि भद्रकाली, वटु भद्रकाली व कंग अजिमा द्यःया स्वंगुलिं खलःया नायः, खलःया जःपिनि दथुइ सहलह यासें जात्रा न्यायेकेगु क्वःछिउगु खः । थगुने कोरोना महामारीया कारणं पाहांचःह्रेबलय् जात्रा मजूगु खःसा थुगुसी धाःसा जात्रा न्यायेकेगु क्वःछिउगु खः । स्वंगुलिं द्यःखःया […]