स्वनिगः

येँ – येँ जिल्ला अदालतय् न्यायाधीशया न्ह्यःने हे अदालतया निम्ह कर्मचारीतय् दथुइ दायाः दायाः ल्वापु जूगु दु । न्यायाधीश प्रकाशचन्द अधिकारीया न्ह्यःने हे इजलास अधिकृत गोकर्ण शर्मा व नायब सुब्बा नेत्रप्रसाद बाँस्टोलां दागादुगु याःगु खः । ल्वापु लानाः अधिकृत शर्मा सामान्य घाःपाः जूगु खःसा वयात ट्रमा सेन्टरय् वासः याके यंकूगु खः । मालपोत कार्यालययात बिउगु […]

येँ – थनया आरआर क्याम्पसय् नेकपाया ओली पक्ष व प्रचण्ड–माधव पक्षया विद्यार्थी दथुइ ल्वापु जूगु दु । ल्वापुइ लानाः प्रचण्ड–माधव पक्षया विद्यार्थी दीपक बस्नेत घाःपाः जूगु दु । वयात ओली पक्षया विद्यार्थीतय्सं वा त्वःधुक दायाबिउगु खः । ल्वापु लिपा निगुलिं पक्षं महानगरीय प्रहरी वृत्त अनामनगरय् ज्यान मुद्दाय् निवेदन बिउगु दु । क्याम्पसय् यायेत्यंगु सरस्वती पुजायात […]

किपू – किपू नगरपालिकां पत्रकारिता विषयय् स्नातकोत्तर यायेगु निंतिं छात्रवृत्ति बीगु जूगु दु । किपू नगरपालिकाया ग्वाहालिं सन्ध्या टाइम्स पिथना प्रा.लि.या ग्वसालय् आइतवाः निसें किपुली सुरु जूगु पत्रकारिता तालिमया उलेज्या यानादिसें किपू नगरपालिकाया मेयर रमेश महर्जनं थ्व खँ धयादीगु खः । ज्याझ्वलय् न्ववानादिसें मेयर महर्जनं किपूबारे प्रचार प्रसार यायेगु लिसें पत्रकारिता ख्यलय् स्थानीय व्यक्तिया शीप […]

येँ -महायान बौद्ध समाजया ग्वसालय् जूगु महायान, वज्रयान बौद्ध धर्म दर्शनया प्रारम्भिक तह कक्षाय् ब्वति काःपिंत वंगु शनिवाः छगू ज्याझ्वःया दथुइ दसिपौ लःल्हाःगु दु । समाजया नायःलिसें प्रशिक्षक बौद्ध विदुषि सुमति वज्राचार्यया सभापतित्वय् जूगु समापन ज्याझ्वलय् धर्मोदय सभाया नायःलिसें बौद्ध विद्वान यज्ञमानपति वज्राचार्य मूपाहांकथं बिज्याःगु खm । ज्याझ्वलय् मूपाहां वज्राचार्यं कक्षाय् न्हाप जुयादीम्ह प्रभात किरण वज्राचार्य, लिउ […]

येँ – येँ महानगरपालिकां नेपालभाषा पाठ्यक्रम ब्वंकेगु लागिं याःगु शिक्षक मागय् उत्साहपूर्वक दरखास्त वयाच्वंगु खँ सीदुगु दु । शिक्षा विभागया कथं म्हिगः तक १२० म्हेस्यां फाराम यंकेधुंकूगु दु । मनपां उगु पाठ्यक्रमया लागिं १७२ शिक्षक माग याःगु खः । थुकिं नेपालभाषा च्वये–ब्वने सःपिंत निवेदन बीत आह्वान यानातःगु दु । विहीवाःनिसें झिंन्यान्हुया दुने दरखास्त बीत मनपां इनाप यानातःगु दु ।  

काठमाडौं सुनचाँदी व्यवसायी संघया ग्वसलाय् वंगु शनिवाः थनया स्वांछपु गणेद्यःथाय् न्हापांगु हिदान व स्वास्थ्य शिविर जुल । येँ महानगरपालिकाया मेयर विद्यासुन्दर शाक्य मूपाहां व उपमयेर हरिप्रभा खड्गी श्रेष्ठ विशेष पाहांकथं झायादीगु उगु ज्याझ्वलय् ४८ म्हेसिनं हिदान यानादीगु खःसा १३० म्हेसिया स्वास्थ्य परीक्षण याःगु खः । ज्याझ्वः संघया उपाध्यक्ष मुक्तिरत्न वज्राचार्यया संयोजकत्व जूगु खः । किपा – नीलः सायमि