पाहांचःह्रे द्यः ल्वाकेगु जात्रा याइगु जुल

येँ -पाहांचःह्रेबलय् येँय् जुइगु थीथी द्यःया खः जात्रा नियमित कथं जुइगु जूगु दु । पाहांचःह्रेबलय् जात्राया झ्वलय् असनय् द्यः ल्वाकीगु लुमधि भद्रकाली, वटु भद्रकाली व कंग अजिमा द्यःया स्वंगुलिं खलःया नायः, खलःया जःपिनि दथुइ सहलह यासें जात्रा न्यायेकेगु क्वःछिउगु खः । थगुने कोरोना महामारीया कारणं पाहांचःह्रेबलय् जात्रा मजूगु खःसा थुगुसी धाःसा जात्रा न्यायेकेगु क्वःछिउगु खः ।

स्वंगुलिं द्यःखःया नायः, दुजःपिं लिसें येँ महानगरपालिका २२ वडाया अध्यक्ष, पुखुद्यां त्वाःया गुरु, त्वाः नायः, लुमधी भद्रकाली जात्रा व्यवस्था समितिया पदाधिकारीपिं दथुइ वंगु शनिवाः बैठक च्वनाः जात्रा यायेगु क्वःछिउगु खः । थुगुसी पाहांचःह्रेया झ्वलय् शनिवाः २८ गते द्यः गमय् बिज्याकीसा आइतवाः कुन्हु १० ताः इलय् तिंख्यलय् द्यः ल्वाकीगु जुइ ।

अथेहे ३० गते सोमवाः कुन्हु असनय् २ ताःइलय् द्यः ल्वाकेगु क्वःछिउगु दु ।

थ्वहे झ्वलय् थुगुसी यलय् बुंगद्यःया जात्रा नं यायेगु क्वःजिउगु दु ।

सम्बन्धित बुखँ

LEAVE YOUR COMMENTS